Tito 1 - Revised Samoan Catholic Bible

O ‘Upu Fa‘afeiloa‘i

1O Paulo, o le ‘au‘auna a le Atua, ma le ‘aposetolo a Iesu Keriso, ‘ona o le fa‘atuatua o ē ‘ua filifilia e le Atua, ma le iloa lelei o le ‘upu moni e i‘u ai i le amio Atua.

2I le fa‘amoemoe i le ola fa‘avavau, na folafolaina mai talu mai tausaga o le vavau e le Atua e lē mafai ‘ona tala pepelo.

3A ‘ua fa‘aalia mai lana lava afioga i ona pō e tatau ai i le tala‘iga ‘ua tu‘uina mai ‘iā te a‘u, e tusa ma le poloa‘iga a le Atua lo tatou Fa‘aola.

4‘Iā Tito lo‘u lava atali‘i i la le fa‘atuatua ‘ua tu‘u tele.

‘Ia ‘iā te oe le alofa tunoa, ma le manuia mai le Atua le Tamā, ‘atoa ma Keriso Iesu lo tatou Fa‘aola.O Galuega a Tito i Kereta

5O le mea lenei na ‘ou tu‘u ai oe i Kereta, ‘ina ‘ia e fa‘atonuina mea ‘ua totoe, ma ‘ia e tofia toeaina i lea ‘a‘ai ma lea ‘a‘ai, fa‘apei ‘ona ‘ou fai atu ai ‘iā te oe.

6O se tasi e lē mata‘uleagaina, o le tane a le fafine e to‘atasi, e i ai ana fānau e fa‘atuatua, e le‘i ta‘ua i latou ‘ua ulavavale pe soli i tulafono.

7Auā e tatau lava i le epikopō ‘ona lē mata‘uleagaina o ia, auā o ia le ‘au‘auna e tausi i mea a le Atua; e lē fīnau vale, e lē itagofie, e lē inu tele i uaina, e lē fasi tagata, e lē manumanu i ‘oloa.

10Auā e to‘atele o ē solitulafono ‘ua tautalatala i ‘upu lē aogā ma fa‘asesē atu, ‘ae sili musa le ‘au peritome.

11E tatau ‘ina punitia o latou gutu ‘ua latou fa‘aliliu ‘ese i nisi ‘āiga ‘atoa, o lo‘o a‘oa‘o i mea lē tatau, ‘ina ‘ua matape‘ape‘a i le ‘oloa.