1O ‘upu nei a le Failauga, le atali‘i o Tavita, le tupu i Ierusalema.
2‘Ua fa‘apea mai le Failauga:
E matuā fa‘atauva‘a, e matuā fa‘atauva‘a; e fa‘atauva‘a mea uma lava.
3Se a se mea e maua e le tagata i ana galuega uma e tigā ai o ia i lalo o le lā?
4E mavae atu le tasi tupulaga, ‘ae sau le tasi tupulaga; a o le lalolagi e tumau lea e fa‘avavau.
5E alu a‘e fo‘i le lā, e alu ifo fo‘i le lā ma fa‘ata‘alise atu o ia i le mea na alu a‘e ai.
6E alu atu o ia i le itū i saute, e toe liliu mai fo‘i i le itū i matū. E agi le matagi ma liliu so‘o ma toe fo‘i le matagi i ona fa‘ata‘amiloga.
7O lo‘o tafe ifo vaitafe uma i le sami; ‘ae lē tumu ai le sami; o le mea e tafe mai ai vaitafe, e toe fo‘i atu o ia i ai.
8O mea uma e tele i ai galuega; e lē mafai e se tagata ‘ona fa‘amatalaina; e le malie mata i va‘ai, e le tūtūmu fo‘i taliga i fa‘alogo.
9Se a se mea ‘ua uma ‘ona tupu? O le mea lava lea e toe tupu.
Se a se mea ‘ua uma ‘ona faia? O le mea lava lea e toe faia;
‘ua leai lava se mea fou i lalo o le lā.
10E i ai ‘ea se mea e mafai ‘ona fai atu i ai, “‘Inā va‘ai mai ia, o le mea fou lenei?”
Sa i ai ia anamua i tausaga na muamua ‘iā i tatou.
11‘Ua lē manatua mea sa i ai anamua, o mea fo‘i o le a i ai i se aso,
o le a lē manatua ‘iā te i latou e mulimuli mai.O le Poto a le Failauga
12O a‘u nei o le Failauga, ‘ua fai a‘u ma tupu o Isaraelu i Ierusalema.
15O le mea ‘ua pi‘opi‘o e lē mafa‘asa‘oina;
o le mea fo‘i ‘ua lē i ai e lē mafaitaulia.
16Na ‘ou tautala ifo i lo‘u loto, ‘ua fa‘apea ifo, “Fa‘auta, ‘ua ‘ou fa‘ateleina lava le poto, o ē sili lava ‘iā te i latou uma sa pule i Ierusalema e muamua ‘iā te a‘u; e tele fo‘i le poto ma le iloa o mea na maua i lo‘u loto.”
Who We AreWhat We EelieveWhat We Do
2025 by iamachristian.org,Inc All rights reserved.
