Esera 5 - Revised Samoan Catholic Bible

‘Ua toe Amata e Iuta ‘ona fai o le Malumalu; ‘ua Tusi alu ai Tatenai ‘iā Tariu

1O Hakai le perofeta ma Sakaria le atali‘i o Ito, o perofeta ia sa perofeta ane i le suafa o le Atua o Isaraelu i tagata o Iuta, o i latou lava o ē na i Iuta ma Ierusalema.

2‘Ona tutū ai lea o Serupapelu le atali‘i o Salatielu ma Iosua le atali‘i o Iosataka ma amataina ‘ona fai o le fale o le Atua o i Ierusalema; sa ‘iā te i lā‘ua fo‘i perofeta a le Atua e lagolago ‘iā te i lā‘ua.

3O ona po lava ia na ō mai ai ‘iā te i latou o Tatenai le ali‘i e pule i ona tala mai o le vaitafe ma Setaraposenai ma ē na pule fa‘atasi ma i lā‘ua, ‘ua fai mai ‘iā te i latou, ‘ua fa‘apea mai, “Po o ai na na poloa‘i atu ‘iā te ‘outou tou te faia lenei fale ma fa‘aumaina lenei pā?”

17O lenei, ‘āfai e lelei i le tupu, ‘ia su‘esu‘ea i le fale ‘oloa o le tupu o ‘i‘inā i Papelonia pe moni na poloa‘i Kuresa le tupu ‘ia faia lenei fale o le Atua i Ierusalema ma ‘ia tusia mai ‘iā te i matou le finagalo o le tupu i lenei mea.”