Iopu 25 - Revised Samoan Catholic Bible

O le Toe ‘Upu a PilitatiPilitati

1‘Ona tali mai ai lea o Pilitati le Sua, ‘ua fa‘apea mai,

2“‘Ua i le Atua le pule ma le mata‘utia;

na te fa‘atupuina le filemū i ana mea maualuluga.

3E mafai ‘ea ‘ona faitaulia ana ‘au?

O ai fo‘i se tasi ‘ua lē pupula i ai lona malamalama?

4O lenei, pe fa‘apefea ‘ona ta‘uamiotonuina le tagata i luma o le Atua?

Pe fa‘apefea fo‘i ‘ona mamā o ia ‘ua fānau mai i le fafine?

5Fa‘auta, o le masina ‘ua lē pupula lea;

o fetū fo‘i ‘ua lē mamā ia i lana silafaga.

6E atili ai ‘ona fa‘apea le tagata ‘ua se tuga ia,

ma le fānauga a tagata ‘ua se ilo ia.”