Esekielu 35 - Revised Samoan Catholic Bible

O le Fa‘atafunaga o Etoma

1‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:

2Le atali‘i e o le tagata, ‘ia e fa‘asaga atu i le mauga o Seira ma vavalo atu i ai,

‘ua ‘ou fai oe mo‘u fili,

‘ou te fa‘aloaloa atu fo‘i lo‘u lima

i luga ‘iā te oe

ma ‘ou matuā fa‘atafunaina lava oe.

4‘Ou te fa‘agaogaoina ou ‘a‘ai,

e fa‘atafunaina lava oe,

‘ona e iloa ai lea o a‘u lava o le ALI‘I.

5Auā ‘ua ‘iā te oe le itatu‘u ma ‘ua e tu‘uina atu le fānauga a Isaraelu i le malosi o le pelu i ona po o lo latou malaia, o ou po fo‘i na i‘u ai le amio leaga.