Isaia 31 - Revised Samoan Catholic Bible

O le lē Aogā o le Fa‘alagolago i Aikupito ma le Malaia o Asuria

1‘Oi talofa i ē ō ifo i Aikupito e sā‘ili ai le fesoasoani;

ma latou fa‘alagolago i solofanua ma latou fa‘atuatua i kariota, auā e tele ia;

‘ua fa‘atuatua fo‘i i ē ti‘eti‘e i solofanua,

auā e matuā malolosi i latou;

a ‘ua latou lē fa‘alagolago i le Pa‘ia o Isaraelu ma latou le sā‘ili‘ili i le ALI‘I.

2‘Ae poto lava o ia, e fa‘ao‘o e ia le leaga;

e lē fa‘afoisia mai e ia ana afioga;

‘ae tula‘i atu ia e tau ma le ‘āiga o ē ‘ua amio leaga,

e tau fo‘i ma ē fesoasoani i ē fai mea leaga.

3O Aikupito o tagata lava i latou, e lē o le Atua;

o a latou solofanua fo‘i o tino i latou, ‘ae lē o agaga.

E fa‘aloaloa e le ALI‘I lona ‘a‘ao,

‘ona tausuai ai lea o ē fesoasoani mai,

e pa‘u‘ū fo‘i ē ‘ua maua le fesoasoani;

e fa‘atau fa‘aumatia, i latou uma lava.

4Auā o lo‘o fa‘apea ‘ona fetalai mai o le ALI‘I ‘iā te a‘u,

E pei ‘ona gu o le leona, o le leona ta‘anoa fo‘i i lana mea ‘ua saeia,

pe a fa‘apotopotoina leoleo mamoe e to‘atele e fasi ‘iā te ia,

e lē fefe ia ‘iā latou ‘alalaga,

e lē mata‘u fo‘i o ia i lo latou to‘atele;

e fa‘apea ‘ona afio ifo o le ALI‘I o ‘au,

e tau ‘ona o le mauga o Siona, o lona lava mauga,

5E pei ‘ona ofaofata‘i o manu ‘iā latou tama,

e fa‘apea fo‘i ‘ona fa‘amamaluina o Ierusalema e le ALI‘I o ‘au;

o lo‘o fa‘amamaluina ma lavea‘iina,

o lo‘o fa‘asaoina ma fa‘aolaina.

6Toe fo‘i ia ‘outou ‘iā te ia, o lo‘o ‘ua ‘outou matuā ō ‘ese ai, o ‘outou le fānauga a Isaraelu.

9E alu ane o ia i lona ‘olo i le mata‘u,

e fefefe ali‘i ‘ua ‘iā te ia i le tagāvai;”

o lo‘o fetalai mai ai le ALI‘I

o lē ‘ua i Siona lana afi ma lana ‘ogāumu ‘ua i Ierusalema.