Iutita Fa‘atomuaga - Revised Samoan Catholic Bible

Fa‘atomuagaO le Tusi ‘iā Iutita e i ai le talitonuga sa tusia i se vaitaimi a o nofo popole le mālō o tagata Iutaia i osofa‘iga mata‘utia o fitafita o se mālō malosi. O lo‘o i ai fo‘i le talitonuga po o le amataga o le 100 tausaga T.L.M sa tusia ai lenei tala.‘Ae o le fe‘au ‘autū o Iutita o se fafine Iutaia ‘ua oti lana tane ‘ae sa mausalī lona fa‘atuatuaga fa‘a-Iutaia. Sa tausia lelei e Iutita le tulafono a Mose ma sa ia fa‘alagolago malosi i le Atua ‘ina ‘ia fa‘ataunu‘uina lana galuega; o le lavea‘iina lea o le mālō o Iutaia mai le pule sauā a Holofene.O le Fa‘asologa o Matā‘upu:O le nofo popole o tagata Iutaia 1.1—7.25‘Ua lavea‘i e Iutita le mālō o Iutaia 8.1—14.18O le manumālō o Iutaia 15.1—16.31