Ieremia 18 - Revised Samoan Catholic Bible

O le Fa‘atusa i le Fai Ipu ‘Omea

1O le afioga na o‘o mai ‘iā Ieremia mai le ALI‘I, ‘ua fa‘apea mai:

2“‘Inā tula‘i ia ma alu ifo i le fale o le fai ipu ‘omea, ‘ona ‘ou fa‘ailoa atu ai lea ‘iā te oe i lea mea o a‘u ‘upu.”

5‘Ona o‘o mai lea o le afioga a le ALI‘I ‘iā te a‘u, ‘ua fa‘apea mai:

6Le ‘āiga o Isaraelu e, ‘ou te lē mafaia ‘ea ‘ona fai ‘iā te ‘outou e pei o lenā fai ipu ‘omea? o lo‘o fetalai mai ai le ALI‘I. Fa‘auta, le ‘āiga o Isaraelu e, e pei o ‘omea i le lima o le fai ipu ‘omea, e fa‘apea fo‘i ‘outou i lo‘u lima.

12A ‘ua latou fai mai, “E lē aogā; auā matou te mulimuli atu i o matou mafaufauga, e ta‘itasi fo‘i ma fai e tusa ma le finau vale o lona loto leaga.”

‘Ua Tete‘e Tagata i le Ali‘i

13O le mea lea o lo‘o fa‘apea ‘ona fetalai mai ai o le ALI‘I:

‘Ia ‘outou fesili atu i nu‘u ‘ese,

po o ai ‘ua fa‘alogo i mea fa‘apenei?

‘ua faia e le taupou o Isaraelu le mea e matuā ‘inosia.

14E tu‘ua ‘ea e le kiona o Lepanona le papa i le vao?

E pē ‘ea le vai ‘ese, ‘ua malūlū, ‘ua tafe mai?

15A ‘ua fa‘agalogaloina a‘u e lo‘u nu‘u,

‘ua latou fa‘ainu mea manogi i le mea fa‘atauva‘a;

ma ‘ua fa‘atausuaiina i latou i o latou ala,

o ala o le vavau, ‘ina ‘ia sāvavali i ala ‘alo,

o le ala e le tanua;

16‘ina ‘ia faia lo latou nu‘u ma fa‘atafunaga

ma mea e uisa ai e fa‘avavau;

o i latou uma e ui ane ai e ta‘itasi ma ofo ma lialia‘i lona ulu.

17E pei o le matagi mai sasa‘e,

‘ou te fa‘ata‘ape‘apeina ai i latou i luma o ē ita mai;

‘ou te u atu ‘iā te i latou lo‘u tua,

‘ae lē o o‘u mata i le aso o lo latou malaia.

O Taupulepulega Leaga e Fa‘asaga ‘iā Ieremia

18‘Ona latou fai ane lea, “Ō mai ia, ‘ia tatou filifilia ni togafiti e leaga ai Ieremia; auā e le te‘a le tulafono a‘i le ositaulaga, po o le mafaufau a‘i le tagata poto, po o le ‘upu ai le perofeta. Ō mai ia, ‘ia tatou taia o ia i o tatou laulaufaiva; ‘aua fo‘i le liliu atu o tatou taliga i sana ‘upu e tasi.”

19Le ALI‘I e, ‘ia liliu mai ou fofoga ‘iā te a‘u

ma e fa‘afofoga mai i le leo o ē finau mai ‘iā te a‘u.

20E tauia ‘ea le lelei i le leaga?

auā ‘ua latou ‘elia le lua ‘ia ‘ou oti ai.

‘Ia e manatua na ‘ou tu i ou luma

e tautala mo i latou ‘ia manuia ai,

‘ina ‘ia fa‘aliliu ‘ese lou to‘asā ‘iā te i latou.

21O le mea lea ‘ia e tu‘uina atu ai a latou fānau i le oge,

‘ia tu‘uina atu fo‘i i latou i le malosi o le pelu;

ma ‘ia ‘avea a latou avā ma fafine ‘ua āufānaua

ma ‘ia oti a latou tane;

ma ‘ia fasiotia a latou tane;

ma ‘ia fasia o latou taulele‘a i le pelu i le tau‘a.

22‘Ia lagona le ‘alaga i o latou fale,

pe a o fa‘ao‘o fa‘afuase‘i mai le ‘au ‘iā te i latou;

auā ‘ua ‘elia e i latou le lua e maua ai a‘u

ma ‘ua latou nanā mailei mo o‘u vae.

23A o oe, le ALI‘I e,

‘ua e silafia a latou pulega uma ‘iā te a‘u ‘ia ‘ou oti;

‘aua le ufitia a latou amioletonu,

‘aua fo‘i ‘e te sōloi‘esea a latou agasala i ou luma,

a ‘ia fa‘atausuaiina i latou i ou luma;

‘ia fa‘apea ‘ona fai ‘iā te i latou i ona po o lou to‘asā.