Salāmo 123 - Revised Samoan Catholic Bible

‘Ua Fa‘anaunau i le AtuaO le pese ma ē ō a‘e

1‘Ua fa‘asaga a‘e o‘u mata ‘iā te oe,

o lē afio i le lagi.

2Fa‘auta, fa‘apei o mata o ‘au‘auna tane

‘ua va‘ai atu i le lima o latou matai;

e pei o mata o le ‘au‘auna fafine

‘ua va‘ai atu i lima o lona matai tama‘ita‘i;

E fa‘apea o tatou mata ‘ua va‘ai a‘e i le ALI‘I lo tatou Atua,

se‘ia alofa mai o ia ‘iā te i tatou.

3‘Ia e alofa mai, le ALI‘I e, alofa mai ‘iā te i matou;

auā ‘ua matuā ‘inosia lava i matou.

4‘Ua matuā tūtūmu o matou loto i le tauemu mai o ē fa‘asiasia,

ma le ‘ino‘ino mai o ē fa‘amaualuga.