1‘Ua ‘ave ni tagata e Koru le atali‘i o Isara, o le atali‘i ia o Koato, o le atali‘i ia o Levi, o Tatano fo‘i ma Apiramo o atali‘i o Eliapo, o Ono fo‘i le atali‘i o Peleto, o le fānauga a Reupena ia;
16‘Ua fai atu fo‘i Mose ‘iā Koru, “‘Inā ō mai ia i luma o le ALI‘I a taeao, o oe ma i latou uma o ē ‘au fa‘atasi ma oe, o oe, ma i latou, ‘atoa fo‘i ma Arona.
17‘Ia ta‘itasi fo‘i le tagata ma ‘aumai lana salefu, ma avane i ai ni mea manogi, ma ‘ia ‘outou ‘aumai ta‘itasi e le tagata lana salefu i luma o le ALI‘I, e lua selau ma le lima sefulu o salefu; o oe fo‘i ma Arona ‘ia ta‘itasi ma lana salefu.”
18‘Ona latou ‘aumai ai lea ta‘ito‘atasi ma lana salefu, ma latou avane i ai ni afi, ma avane i ai mea manogi, ‘ua latou tutū fa‘atasi fo‘i ma Mose ma Arona i le faitoto‘a o le fale fetāfa‘i o le fa‘apotopotoga.
19‘Ona fa‘apotopotoina ai lea e Koru o le fa‘apotopotoga uma lava i le faitoto‘a o le fale fetāfa‘i o le fa‘apotopotoga e tete‘e ‘iā te i lā‘ua; ‘ona fa‘aali mai ai lea o le pupula o le ALI‘I i le fa‘apotopotoga uma lava.
23‘Ona fetalai mai ai lea o le ALI‘I ‘iā Mose, ‘ua fa‘apea mai:
24‘Ia e fai atu i le fa‘apotopotoga, ‘ia fa‘apea atu, ‘Inā ō ‘ese atu ia ‘outou i itū uma o fale ‘ie o Koru, ma Tatano, ma Apiramo.
25‘Ona tula‘i ai lea o Mose, ‘ua alu atu ‘iā Tatano ma Apiramo, ‘ua mulimuli atu fo‘i ‘iā te ia toeaina o Isaraelu.
26‘Ona fai atu ai lea o ia i le fa‘apotopotoga, ‘ua fa‘apea atu, “‘Ou te ‘ai‘oi atu, ‘ia ‘outou ō ‘ese i fale ‘ie o ia tagata amio leaga, ‘aua fo‘i ne‘i papa‘i atu i sina a latou mea, ‘ina ne‘i fano ‘outou ‘iā latou agasala uma.”Kene 19.12-14; Isai 52.11; Fa‘aa 18.4
27‘Ona ō ‘ese ai lea o i latou i itū uma o fale ‘ie o Koru, ma Tatano, ma Apiramo; ‘ona ulu fafo ai lea o Tatano ma Apiramo, ‘ua tutū i faitoto‘a o lā‘ua fale ‘ie, ma a la avā, ma o lā‘ua atali‘i, ma a la tama iti.
28‘Ona fai atu ai lea o Mose, “O le mea lava lenei tou te iloa ai na ‘auina mai a‘u e le ALI‘I e fai ia galuega uma, ‘ae le‘i fai i lo‘u lava loto.
29‘Āfai e oti ia tagata e pei o le oti o tagata uma, pe o‘o ‘iā te i latou e pei ‘ona o‘o i tagata uma, ‘ona iloa lea ‘ua lē ‘auina a‘u e le ALI‘I.
30‘Ae ‘āfai e faia e le ALI‘I le mea fou, ma fa‘amaga le gutu o le ‘ele‘ele, ma folo ‘iā te i latou, ma mea uma o lo‘o ‘iā te i latou, ma latou ō ifo i seoli o ola lava, ‘ona ‘outou iloa ai lea ‘ua ‘ino‘ino ia tagata i le ALI‘I.”
31‘Ua uma ‘ona fai atu o ia o ia ‘upu uma, ‘ona mavae ai lea o le ‘ele‘ele i lalo o i latou.Iuta 11
32‘Ua fa‘amaga le gutu o le ‘ele‘ele, ‘ua folo ifo ‘iā te i latou, ma o latou ‘āiga, ‘atoa ma tagata uma na ‘iā Koru ma a latou mea uma.
33‘Ua ō ifo i seoli i latou ma i latou uma e na ‘iā i latou o ola lava, ‘ona toe so‘o ane lea o le ‘ele‘ele i luga ‘iā te i latou; ‘ona fano ai lea o i latou ai le fa‘apotopotoga.
34‘Ona sōsōla ai lea i lo latou ‘alalaga o Isaraelu uma sa vagavagai ‘iā te i latou, auā na latou fa‘apea ane, “‘Ina ne‘i foloina i tatou e le ‘ele‘ele.”
35‘Ua o‘o atu fo‘i le afi mai i le ALI‘I, ‘ua fa‘aumatia ai ia tagata e to‘alua selau ma le to‘alima sefulu o ē na avatu mea manogi e mū.
36‘Ona fetalai mai ai lea o le ALI‘I ‘iā Mose, ‘ua fa‘apea mai:
37‘Ia e fai atu ‘iā Eleasaro le atali‘i o Arona le ositaulaga na te ‘aveina a‘e salefu a‘i totonu o le mū ma ‘ia e sasa‘a le afi i se mea mamao; auā e pa‘ia ia mea.
38O salefu a ia tagata na agasala i o latou lava agaga ia fai a‘i mea salalafa lautetele e fai ma ufiufi o le fatafaitaulaga; auā na latou ‘aveina atu ai i luma o le ALI‘I, o le mea lea ‘ua pa‘ia ai lava ia mea; e fai fo‘i ia mea ma fa‘ailoga i le fānauga a Isaraelu.Nume 17.10; 26.10; Fa‘ata 20.2; Sapa 2.10
39‘Ona ‘ave ai lea e Eleasaro le ositaulaga o salefu ‘apamemea na faitaulaga ai e na susunuina, ‘ua fa‘alauteleina ia e fai ma ufiufi o le fatafaitaulaga.
40O le fa‘amanatuga lea i le fānauga a Isaraelu, ‘ina ne‘i fa‘alatalata atu se tagata ‘ese, e lē o le fānau a Arona, e mū ai mea manogi i luma o le ALI‘I; ‘ina ne‘i ‘avea o ia e pei o Koru ma ē sa ‘au fa‘atasi ma ia; e pei o le afioga a le ALI‘I na fai atu e Mose ‘iā te ia.
‘Ua Lavea‘i e Arona le Nu‘u41O le taeao fo‘i na muimui ai le fa‘apotopotoga uma o le fānauga a Isaraelu ‘iā Mose ma Arona ‘ua fa‘apea mai, “‘Ua fasiotia e ‘oulua le nu‘u o le ALI‘I.”
42‘Ua aofia ma le fa‘apotopotoga e tete‘e atu ‘iā Mose ma Arona, ‘ona latou va‘ava‘ai atu ai lea i le fale fetāfa‘i o le fa‘apotopotoga, fa‘auta ‘ua ufitia i le ao, ‘ua fa‘aali mai ai fo‘i le pupula o le ALI‘I.Eso 40.34; Nume 14.10
43‘Ona ō mai ai lea o Mose ma Arona i luma o le fale fetāfa‘i o le fa‘apotopotoga.
44‘Ona fetalai mai ai lea o le ALI‘I ‘iā Mose ‘ua fa‘apea mai,
45“‘Inā ō ‘ese ia ‘oulua i luma o lenei fa‘apotopotoga se‘ia ‘ou fa‘aumatia i latou e pei o se ‘emo o le mata. ‘Ona la fa‘apa‘u‘ū faō ai lea.”
46‘Ona fai atu ai le o Mose ‘iā Arona, “‘Ia e tago i le salefu ma avane i ai se afi a‘i le fatafaitaulaga ma avane i ai ni mea manogi ma ‘ia e vave alu i le fa‘apotopotoga ma fai se togiola mo i latou, auā ‘ua alu atu le to‘asā mai le ALI‘I, ‘ua amataina le mala.”Levi 10.6; Nume 8.19; 11.33; 1 No 27.24
47‘Ona tago ai lea o Arona e pei ‘ona fai atu ai Mose, ‘ua tamo‘e lava ia i totonu o le fa‘apotopotoga; fa‘auta, ‘ua amataina lava le mala i le nu‘u; ‘ua ia avane fo‘i mea manogi e mū ma na fai a‘i le togiola mo le nu‘u.
48‘Ua tu fo‘i o ia i le vā o ē oti ma ē ola; ‘ona tāofia ai lea o le mala.2 Samu 24.25
49O i latou fo‘i ‘ua oti i le mala, o afe e tasi ma le sefulu ma le fa ma le fitu o selau, e fa‘aopoopoina i ē ‘ua oti i le mea a Koru.
50‘Ona toe fo‘i mai ai lea o Arona ‘iā Mose i le faitoto‘a o le fale fetāfa‘i o le fa‘apotopotoga; ‘ua tāofia fo‘i le mala.
Who We AreWhat We EelieveWhat We Do
2025 by iamachristian.org,Inc All rights reserved.
