Hosea 2 - Revised Samoan Catholic Bible

O le Amio Fa‘apaupau a le Nu‘u

1‘Ia ‘outou fa‘apea atu i o ‘outou uso, Ama e, ‘ia fa‘apea atu fo‘i i o ‘outou tuafafine Ruama e.

2‘Ia ‘outou finau atu i lo ‘outou tinā, ‘inā finafinau atu ia; auā e lē o la‘u avā ia, e lē o lana tane fo‘i a‘u, ‘inā lafoa‘i ia e ia ana faita‘aga a‘i ‘iā te ia, ma ana mulilua fo‘i i le vā o ona susu;

6O le mea lea ‘ou te pupuni ai lou ala i la‘au tuitui, ‘ou te si‘osi‘oina fo‘i o ia i le pā, ‘ia lē iloa e ia ona ala.

7E mulimuli atu lava o ia i ē o manana‘o ‘iā te ia, ‘ae lē maua atu i latou e ia, e sā‘ili‘ili o ia ‘iā te i latou, ‘ae lē iloa; ‘ona fa‘apea mai ai lea o ia, “‘Ou te alu, ‘ou te fo‘i i la‘u tane muamua, auā sa sili lo‘u manuia anamua, i lo‘u manuia i nei ona po.”

8Auā na lē iloa e ia o a‘u lava sa foa‘iina atu ‘iā te ia o saito ma uaina ma suāu‘u; na a‘u fa‘ateleina fo‘i ana ario ma ana auro, na latou saunia mo Paala.

9O le mea lea ‘ou te toe fo‘i ai, ma ‘ave‘ese la‘u saito i ona lava aso, ma la‘u uaina i ona lava po; ‘ou te ‘ave‘esea fo‘i a‘u fulufulu mamoe, ma a‘u lino, sa tu‘uina atu e ufiufi a‘i lona lē lavalavā.

10O lenei ‘ou te fa‘aali lenā amio ulavale i luma o ē o manana‘o ‘iā te ia, e leai fo‘i se tasi na te lavea‘iina o ia a‘i lo‘u lima.

11‘Ou te fa‘aumatia fo‘i lona fiafia uma lava, o ana tausamiga ma ona masina fa‘ato‘ā va‘aia, ma ona sapati ‘atoa ma ona nu‘u uma. ‘e te lē fa‘aigoa ‘iā te a‘u o “Paale.”

17Auā ‘ou te ‘ave‘ese i lona gutu le igoa o Paala, e lē toe tā‘ua lava i latou i o latou igoa.

19Tā te osi sa tā feagaiga ma a‘u e fa‘avavau,

tā te osi sa tā feagaiga ma a‘u i le amiotonu

ma le fa‘amasinoga ma le agalelei ma le alofa.

20Tā te osi sa tā feagaiga ma a‘u ma le fa‘amaoni;

‘e te iloa fo‘i le ALI‘I.

21O lo‘o fa‘apea mai le ALI‘I,

O lea aso ‘ou te tali atu ai,

‘ou tali atu ai i le lagi,

o ia fo‘i na te tali atu i le lalolagi.

22E tali atu fo‘i le lalolagi i le saito ma le uaina ma le suāu‘u;

o i latou fo‘i latou te tali atu ‘iā Isereelu.

23‘Ou te totōina o ia i le ‘ele‘ele e fai mo‘u;

‘ou te alofa fo‘i i lē sa lē alofagia;

‘ou te fa‘apea atu fo‘i i lē ‘ua lē so‘u nu‘u, “O lo‘u nu‘u oe”

‘ona latou fa‘apea mai lea, “O lo matou Atua.”