Roma 14 - Revised Samoan Catholic Bible

‘Aua le Fefa‘asala‘i i mea ‘ua Tāofi ‘Ese‘ese Ai

1‘Ia ‘outou talia lē ‘ua vaivai i le fa‘atuatua, ‘ae lē ‘ina ‘ia fa‘amasinoina o māsalosaloga.

5O le manatu o le tasi, e sili le tasi aso i le tasi aso; a o le manatu o le isi, ‘ua tutusa aso uma lava. ‘Ia ta‘ito‘atasi ma mautinoa lona lava manatu.

6O lē ‘ana‘ana i le aso, e ‘ana‘ana o ia i ai ‘ona o le Ali‘i; o lē e ‘ai, e ‘ai o ia ‘ona o le Ali‘i, auā ‘ua fa‘afetai i le Atua; o lē lē ‘ai fo‘i, e lē ‘ai o ia ‘ona o le Ali‘i, ‘ua ia fa‘afetai fo‘i i le Atua.

7Auā e leai so tatou e ola mo ia lava, e lē oti fo‘i se tasi mo ia lava;

8auā ‘āfai tatou te ola, tatou te ola mo le Ali‘i, pe ‘āfai ē oti, e oti mo le Ali‘i; o lenei, pe ola pe oti i tatou, o tagata lava o le Ali‘i i tatou.

“‘Ua fetalai mai le Ali‘i, ‘ou te ola a‘u,

e to‘otuli mai ‘iā te a‘u o tulivae uma lava,

e ta‘uta‘u mai fo‘i o laulaufaiva uma lava i le Atua.”

12O lenei, e ta‘itasi i tatou na tala i lana amio i le Atua.

‘Aua le Tausuai ‘ina ‘ia pa‘ū le Tasi i le Agasala

13O lenei, ‘aua ne‘i tatou toe fefa‘amasinoa‘i; ‘ae lelei ‘ina ‘ia manatu i lenei lava mea, ‘aua ne‘i tu‘u ane e se tasi se mea e tausuai ai, po o se mea e tautevateva ai lona uso.

14‘Ua ‘ou iloa ma ‘ou mautinoa i le Ali‘i o Iesu, e leai se mea e leaga fua; peita‘i o sē ‘ua manatu ‘ua leaga le mea ‘ona leaga ai lea ‘iā te ia.