2 Nofoa‘iga a Tupu 26 - Revised Samoan Catholic Bible

O Usia le Tupu o Iuta(2 Tu 14.21-22; 15.1-7)

1‘Ona ‘ave ai lea e le nu‘u uma o Iuta ‘iā Usia i le sefulu ma le ono o ona tausaga ma ‘ua tofia o ia e fai ma tupu sui a‘i lona tamā o Amasia.

2‘Ua ia faia Elata ma na toe tu‘uina mai ai ‘iā Iuta, ‘ina ‘ua ta‘oto le tupu fa‘atasi ma ona tamā.

3E sefulu ma le ono o tausaga o Usia, ‘ina ‘ua fai o ia ma tupu, ‘ua fai fo‘i o ia ma tupu i tausaga e limagafulu ma le lua i Ierusalema. O Iekalia fo‘i le igoa o lona tinā, o le Ierusalema ia.

6‘Ua alu atu fo‘i o ia ‘ua tau ma Filisitia ma sōloia le pā o Kata ma le pā o Iapene ma le pā o Asetota, ma ‘ua faia e ia o ‘a‘ai i Asetota ma Filisitia.

19‘Ona ita ai lea o Usia, sa i lona lima le ipu e mū ai mea manogi; o lo‘o ita o ia i le ‘au ositaulaga, ‘ona tupu loa lea o le lepela i lona muaulu i luma o le ‘au ositaulaga i le fale o le ALI‘I, i tafatafa o le fata e mū ai mea manogi.

22O toe o mea na faia e Usia, o mea muamua ma mea mulimuli, ‘ua tusia e Isaia le perofeta o le atali‘i o Amota.