Salāmo 121 - Revised Samoan Catholic Bible

E Leoleo mai le Atua i ona TagataO le pese ma ē ō a‘e

1E fa‘asaga a‘e o‘u mata i mauga,

e o‘o mai ai lo‘u fesoasoani.

2O lo‘u fesoasoani mai i le ALI‘I lea,

o lē na faia le lagi ‘atoa ma le lalolagi.

3E lē tu‘uina mai e ia ‘ia mapeva lou vae;

o lou leoleo e le tulemoe lava ia.

4Fa‘auta, o lē leoleo ‘iā Isaraelu,

e lē tulemoe ia, e lē moe lava.

5O le ALI‘I, o lou leoleo ia;

o le ALI‘I lou paolo lea i lou itū taumatau.

6E lē taia oe e le lā i le ao,

po o le masina i le po.

7E leoleo e le ALI‘I ‘iā te oe i mea leaga uma lava;

e leoleo mai o ia i lou agaga.

8E leoleo le ALI‘I i lou ulufafo ma lou ulufale,

e amata mai nei lava, ‘ae o‘o i le fa‘avavau.