1O lo‘o fetalai mai le ALI‘I, o ia ona po e ‘aumai ai ivi o tupu o Iuta ma ivi o ona ali‘i ma ivi o ositaulaga ma ivi o perofeta ma ivi o ē nonofo i Ierusalema a‘i o latou tu‘ugamau;
2latou te folasia ai fo‘i i le lā ma le masina ma ‘au uma a le lagi, o mea na latou loto i ai ma latou ‘au‘auna i ai ma latou mulimuli atu i ai ma latou sā‘ili‘ili i ai ma latou ifo i ai; e le aofia ia ivi, e le tanumia fo‘i, ‘ae fai ma otaota i luga o le lau‘ele‘ele.O Agasala ma Fa‘asalaga
4‘Ia e fai atu fo‘i ‘iā te i latou, O lo‘o fa‘apea ‘ona fetalai mai o le ALI‘I: Latou te pa‘u‘ū ‘ea, ‘ae lē toe tutū mai? E liliu ‘ese ‘ea o ia, ‘ae lē toe liliu mai?
5Se a ‘ea le mea ‘ua liliu ‘ese ai lenei nu‘u o Ierusalema ma le liliu ‘ese e lē aunoa? ‘Ua latou tāofi mau i mea pepelo ma latou lē mafafai ‘ona toe liliu mai.
14Se a ‘ea le mea ‘ua tatou nofonofo ai? ‘Ia ‘outou potopoto ma tatou ō i ‘a‘ai nofo ‘olo ma tatou nofo fa‘alologo ai; auā o le ALI‘I lo tatou Atua ‘ua fa‘alologo ai i tatou, ‘ua na fa‘ainumia fo‘i i tatou i le vai ‘o‘ona, auā ‘ua tatou agasala i le ALI‘I,
15Sa tatou fa‘atalitali i le manuia, ‘ae leai se lelei na maua; sa fa‘atalitali fo‘i i ona po e fa‘amālōlōina ai, fa‘auta fo‘i, o le mata‘u.O le Fa‘anoanoaga o Ieremia i ona Tagata
18‘Ua fai lo‘u ‘oli‘oli ma fa‘anoanoaga i totonu ‘iā te a‘u,
‘ua vaivai lo‘u loto i totonu ‘iā te a‘u.
19Fa‘auta,
o le leo o le ‘alaga o le tama fafine a lo‘u nu‘u a‘i nu‘u mamao.
“E lē o i Siona ‘ea le ALI‘I?
E lē o i ai ‘ea lona Tupu?”
“Se a ‘ea le mea ‘ua latou fa‘a‘ono‘ono mai ai ‘iā te a‘u ‘iā latou tupua ‘ua ta,
ma mea ‘ese e fa‘atauva‘a?”
20“‘Ua mavae ona po o le seleselegāsaito,
‘ua uma le tausaga vevela,
‘ae lē fa‘aolaina i tatou.”
21‘Ua momomo lo‘u loto ‘ona ‘ua tu‘imomoia o le tama fafine a lo‘u nu‘u;
‘ua ‘ou fa‘anoanoa; ‘ua maua a‘u i le femēmēa‘i.
22E leai ‘ea ni pulu pasama i Kiliata? E lē o i ai ‘ea se foma‘i? Se a fo‘i le mea ‘ua lē fa‘amālōlōina ai le tama fafine a lo‘u nu‘u?
Who We AreWhat We EelieveWhat We Do
2025 by iamachristian.org,Inc All rights reserved.
