Ieremia 26 - Revised Samoan Catholic Bible

‘Ua Fa‘amasinoina Ieremia

1O le amataga o le nofoa‘iga a Ioakima le atali‘i o Iosia, le tupu o Iuta, na o‘o mai ai lenei afioga mai le ALI‘I, ‘ua fa‘apea mai,

4‘E te fai atu fo‘i ‘iā te i latou, O lo‘o fa‘apea ‘ona fetalai mai o le ALI‘I: ‘Āfai tou te lē fa‘alogo mai ‘iā te a‘u ma le sāvavali e tusa ma la‘u tulafono ‘ua ‘ou tu‘uina i o ‘outou luma,

5e lē fa‘alogo i ‘upu a a‘u ‘au‘auna le ‘au perofeta, na ‘a‘auina e a‘u ‘iā te ‘outou; na ‘ou ala ‘a‘auina i latou, a ‘ua ‘outou lē fa‘alogo mai; ‘ou te faia fo‘i lenei ‘a‘ai ma fa‘afanoga i atu nu‘u uma o le lalolagi.

7‘Ua fa‘alogo le ‘au ositaulaga ma perofeta ma le nu‘u uma, ‘iā Ieremia, o lo‘o fai atu ia ‘upu i le fale o le ALI‘I.

16‘Ona fai atu ai lea o ali‘i ma le nu‘u uma i ositaulaga ma perofeta, “E lē tatau ‘ona oti o lenei tagata, auā ‘ua tautala mai o ia ‘iā te i tatou i le suafa o le ALI‘I lo tatou Atua.”

17‘Ona tula‘i mai ai lea o isi tagata, o toeaina o le nu‘u ma latou fai atu i le fa‘apotopotoga uma o le nu‘u, ‘ua fa‘apea atu,

E fai Siona ma fanua e suatia,

e fai fo‘i Ierusalema ma faupu‘egama‘a,

o le mauga fo‘i o i ai le fale,

e fai lea ma mea maualuluga i le vao matua.’

19Pe na fasiotia lava ‘ea o ia e Esekia le tupu o Iuta ma Iuta uma? Na le mata‘u ‘ea o ia i le ALI‘I ma ‘ai‘oi atu i luma o le ALI‘I; ‘ona salamō ai lea o le ALI‘I i le malaia na ia fetalai mai ‘iā te i latou? A fa‘apea ‘ona agasala tele ai lea o i tatou i o tatou agaga.”

20Sa i ai fo‘i le tasi tagata na vavalo mai i le suafa o le ALI‘I, o Uria, le atali‘i o Semaia mai Kiriata-iarima, na vavalo mai o ia i mea leaga e o‘o i lenei ‘a‘ai ma lenei nu‘u e pei o ‘upu uma a Ieremia;

24A ‘ua fesoasoani Aikamo le atali‘i o Safana ‘iā Ieremia, ‘ina ‘ia lē tu‘uina atu o ia i lima o le nu‘u e fasioti ‘iā te ia.