Eperu Fa‘atomuaga - Revised Samoan Catholic Bible

Fa‘atomuagaO le Tusi i tagata Eperu sa tusia ma ‘auina atu i se fa‘alapotopotoga o Kerisiano ‘ua fa‘afeagai ma le tete‘e malosi ma ‘ua i se tulaga faigatā o le lafoa‘iina o le fa‘atuatuaga Kerisiano. ‘Ua fa‘amalosi‘au atu le tusi tala i lo latou fa‘atuatua e āfua mai i le fa‘aali atu o Iesu Keriso o le fa‘aaliga moni mulimuli lea o le Atua. I lona fa‘atinoina ‘ua ia fa‘amamafa mea moni e tolu. (1) O Iesu o le Alo e fa‘avavau o le Atua, o lē na usiusita‘i ma le fa‘amaoni i le Tamā e ala i puapuagā sa ia ‘onosa‘i ai. ‘Ona o ia, o le Alo o le Atua, o Iesu e sili i lo perofeta o le Feagaiga Tuai, o agelu ma Mose. (2) O Iesu ‘ua fa‘aali e le Atua e fai ma ositaulaga e fa‘avavau ma e sili atu i ositaulaga i ositaulaga o le Feagaiga Tuai. (3) E āfua ‘iā Iesu le fa‘aolaina o le tagata fa‘atuatua mai le agasala ma le oti; o Iesu i lona tulaga ositaulaga sili e maua ai le fa‘aolataga moni ma sa fa‘ailoa mai i sauniga ma taulaga o manu i tapua‘iga Iutaia.Sa fa‘aali atu e le tusi tala, nisi o tagata ‘iloga ma le aloa‘ia i le tala fa‘asolopito o Isaraelu, o ni fa‘ata‘ita‘iga o le fa‘atuatua moni i le Atua(matā‘upu 11). ‘Ua talosagaina ai e ia le ‘au faitau ‘ia tumau i le fa‘atuatua i le Atua. I le matā‘upu e 12 ‘ua ia fautuaina ai le ‘au faitau ‘ia taumafai pea e fa‘aauau le fa‘amaoni e ala lea i le talia o puapuagā ma sauāga ‘ona o Keriso se‘ia o‘o atu lava i le i‘uga.O le talitonuga o tagata popoto i le ‘upu a le Atua, o le tusi lenei sa tusia i le vā o le tausaga 70-80, i le vaitaimi o le Ali‘i. (Anno Domini)O le Fa‘asologa o Matā‘upu:O ‘upu tomua: O Keriso o le fa‘aaliga ‘ato‘atoa a le Atua 1.1-3O Keriso e sili i lo agelu 1.4—2.18O Keriso e sili i lo Mose ma Iosua 3.1—4.13O Keriso le ositaulaga e sili i ositaulaga uma 4.14—7.28O Keriso o le Feagaiga e sili i so‘o se feagaiga 8.1—9.28O le taulaga a Keriso e sili i so‘o se taulaga 10.1-39O le silisili o le Fa‘atuatua 11.1—12.29O le Fa‘afiafiaina o le Atua 13.1-19O le Tatalo fa‘ai‘u 13.20-21O le ‘upu mulimuli 13.22-25