Efeso 4 - Revised Samoan Catholic Bible

‘Ia Loto Gatasi

1O lenei, o a‘u o lē ‘ua noanoatia ‘ona o le Ali‘i ‘ou te ‘ai‘oi atu ‘iā te ‘outou ‘ia ‘outou sāvavali ‘ia tusa ma le vala‘au ‘ua vala‘auina ai ‘outou.

“Na afio a‘e o ia i luga,

ma na ta‘ita‘i fa‘atagataotau‘a i le tāfeaga,

‘ua nā foa‘iina fo‘i mea alofa i tagata.”

9‘Ia, o le ‘upu lea, “Na ia afio a‘e,” se a lona uiga, pe ‘āfai e lē o lea, ‘ua mua‘i ‘ona afio ifo o ia i mea maulalo i le lalolagi?

10O lē na afio ifo o ia lava lea na afio a‘e i luga o lagi uma lava, ‘ina ‘ia fa‘atumuina e ia o mea uma lava.

11O ana mea alofa fo‘i, ‘ia fai nisi ma ‘aposetolo, o isi fo‘i e fai ma perofeta, o isi fo‘i e folafola le tala lelei, o isi fo‘i e fai ma leoleo ‘atoa ma a‘oa‘o.

25O lenei, ‘ia ‘outou tu‘u ‘ese le pepelo, ‘ia tautalatala fa‘amaoni ta‘itasi ma lē la te tuā‘oi; auā o itū tino lava tatou o le tasi i le tasi.