2 Tesalonia 3 - Revised Samoan Catholic Bible

‘Ia Tatalo mo i Matou

1O le toe ‘upu lenei, le ‘au uso e, ‘ia ‘outou tatalo mo i matou, ‘ia tele vave ma ‘ia mamalu le afioga a le Ali‘i, e fa‘apei ‘ona fai ‘iā te ‘outou.

5‘Ia ta‘ita‘i tonu fo‘i e le Ali‘i o ‘outou loto i le alofa o le Atua ma le ‘onosa‘i o Keriso.

‘Ia Mā‘elegā i Galuega

6Matou te fai atu ‘iā te ‘outou, le ‘au uso e, i le suafa o lo tatou Ali‘i o Iesu Keriso, tou te vavae ‘ese i uso uma o ē amio fa‘atalanoa, ma le lē tusa ma le ‘uputu‘u na latou maua ‘iā te i matou.

11Auā ‘ua matou fa‘alogo o ‘iā te ‘outou nisi ‘ua amio fa‘atalanoa, e lē o galulue lava, a o matamata fua i galuega a nisi.

12Matou te fai atu i ē o fa‘apea, ma ‘ai‘oi atu i ai ‘ona o lo tatou Ali‘i o Iesu Keriso, ‘ia latou galulue ma le nofo fīfīlemū, ma ‘ia latou ‘a‘ai ‘iā latou lava mea e ‘ai.

13A o ‘outou le ‘au uso e, ‘aua ne‘i ‘outou fa‘avaivai i le amio lelei.O ‘Upu Mulimuli

16O lenei, o le Ali‘i lava e ona le manuia, ‘ia foa‘iina atu e ia le manuia ‘iā te ‘outou e lē aunoa i mea uma lava. ‘Ia ‘iā te ‘outou uma lava le Ali‘i.

17O le alofa o a‘u o Paulo ‘ua tusia i lo‘u lava lima, o le fa‘ailoga lea i a‘u tusi uma lava ‘ou te tusi fa‘apea lava.

18‘Ia ‘iā te ‘outou uma lava le alofa tunoa o lo tatou Ali‘i o Iesu Keriso. Amene.