Eperu 9 - Revised Samoan Catholic Bible

O Sauniga o le Feagaiga Tuai

1O lenei fo‘i, sa i le feagaiga na muamua o sauniga e ‘au‘auna a‘i, ma le mea pa‘ia fa‘alelalolagi.

2Auā na saunia le potu i luma, e ta‘ua o le mea pa‘ia, sa i ai le tu‘ugāmolī, ma le la‘o‘ai, ma le areto e laulauina i luma.

6O lenei, ‘ua fa‘apea ‘ona saunia o ia mea, ‘ona ulufale so‘o lea o ositaulaga i le potu i luma, ma faia ai a latou galuega.O le Taulaga a Keriso

11A o Keriso ‘ua maliu mai, o le ositaulaga sili i mea lelei ‘ua aulia, ‘ua ui ane i le fale fetāfa‘i e sili ‘ona lelei ma ‘ona ‘ato‘atoa, e lē faia e lima, o lona uiga e lē faia fa‘alelalolagi nei.

12‘Ona ulu fa‘atasi lava lea o ia i totonu o le mea pa‘ia, e lē ma le toto o ‘oti ma tama‘i povi, a o lona lava toto, ‘ua na maua le togiola fa‘avavau mo i tatou.

13Auā ‘āfai o le toto o povi po‘a, ma ‘oti, ma le lefulefu o le povi fafine ta‘anoa, ‘ua sausau atu ai i ē ‘ua leaga, e fa‘apa‘iaina ai e o‘o i le fa‘amamāina o le tino.

15O le mea fo‘i lea, o lo‘o fai ai o ia ma puluvaga o le feagaiga fou, ‘ona o lona maliu fo‘i e togiola a‘i agasala na faia a o i le mua‘i feagaiga, ‘ia maua ai e i latou ‘ua vala‘auina o le tofi fa‘avavau na folafolaina.

16Auā pe a fai se mavaega, se‘i ‘iloga e oti lē ana le mavaega, ‘ona o‘o ai lea;

17auā e fa‘amaonia se mavaega ‘ona o le oti, ‘ina ‘ua lē aogā a o ola mai lē ana le mavaega.

18Auā na lē fa‘amauina lē na muamua a o lē o i ai se toto.

19Auā ‘ua uma ‘ona ta‘uina atu e Mose i le nu‘u uma lava o poloa‘iga uma e tusa ma le tulafono, ‘ona tago atu lea o ia i le toto o tama‘i povi ma ‘oti, ‘atoa ma le vai, ma fulufulu mamoe e mūmū, ma isopo, ‘ua ia sausauina atu ai le Tusi, ‘atoa ma le nu‘u uma lava.O le Taulaga a Keriso ‘ua ‘Ave‘esea ai Agasala

23O le mea lea sa tatau ai ‘ona fa‘amamāina o fa‘atusa o mea o i le lagi i ia mea; a o mea fa‘alelagi lava e fa‘amamāina i taulaga e sili ‘ona lelei i ia mea.

24Auā ‘ua lē ulu atu Keriso i le mea pa‘ia ‘ua faia e lima, o le fa‘atusa lea o le mea moni, a o le lagi lava, ‘ina ‘ia iloa ai nei o ia i luma o le Atua mo i tatou. o ia talu ona fa‘avaeina o le lalolagi a o lenei, ‘ua tasi lava le fa‘aalia mai o ia i le fa‘a‘atoaga o tausaga, ‘ina ‘ia ‘ave‘eseina le agasala, ‘ina ‘ua faia o ia e ia ma taulaga.

27Pei ‘ona tofia fo‘i mo tagata ‘ia tasi lo latou oti, ‘ae mulimuli ane o le fa‘amasinoga.