1O le tausaga na oti ai le tupu o Usia, na a‘u iloa ai le Ali‘i o afio i le nofoāli‘i silisili ma le maualuga, o ona pito ‘ofu fo‘i na tumu ai le malumalu.
“E pa‘ia, e pa‘ia, e pa‘ia
le ALI‘I o ‘au;
‘ua tumu le lalolagi uma i lona mamalu.”
4Sa lūlūina fo‘i fa‘avae o faitoto‘a i le leo o lē na vala‘au, sa tumu fo‘i le fale i le asu.
5‘Ona ‘ou fa‘apea atu ai lea, “Auē a‘u nei! auā ai a‘u a fano; auā o a‘u o le tagata laugutu leaga, o a‘u fo‘i matou te mau fa‘atasi ma le nu‘u laugutu leaga; auā lava ‘ua iloa i o‘u mata le Tupu o le ALI‘I o ‘au.”
6‘Ona lele mai ai lea ‘iā te a‘u o le tasi serafi sa i lona lima fo‘i le malala ola, na ia ‘aumai i le i‘ofi a‘i luga o le fatafaitaulaga.
7Na ia fa‘apa‘i mai ai i lo‘u gutu ma fa‘apea mai, “Fa‘auta, ‘ua papa‘i atu lenei mea i ou laugutu, ‘ua ‘ave‘eseina ai lau amio leaga, ‘ua fa‘amāgaloina fo‘i lau agasala.”
8‘Ona ‘ou fa‘alogo atu ai lea i le si‘ufofoga o le Ali‘i, ‘ua fa‘apea mai, “O ai ‘ea ‘ou te ‘auina atu? O ai fo‘i e alu atu mo i matou?”
‘Ona ‘ou fa‘apea atu ai lea, “O a‘u lenei, ‘inā ‘auina atu a‘u.”
9‘Ona fa‘apea mai ai lea o ia, “‘Inā alu ia ma ‘ia e fa‘apea atu i lenā nu‘u:
‘‘Ia ‘outou matuā fa‘alogo lava, ‘ae tou te lē lagona;
‘ia ‘outou matuā va‘ai fo‘i, ‘ae tou te lē iloa.’
10‘Ia fa‘amafiafiaina loto o lenā nu‘u,
‘ia fa‘atutuli o latou taliga ma ‘ia fa‘atauaso o latou mata;
‘ina ne‘i va‘ai o latou mata,
ma fa‘alogo o latou taliga,
ma lagona o latou loto,
ma latou liliu mai ma fa‘amālōlōina i latou.”
11‘Ona ‘ou fa‘apea atu ai lea, “Le Ali‘i e, se‘ia afea ‘ea?”
‘Ona fa‘apea mai ai lea o ia:
“Se‘ia fa‘agaogaoina ‘a‘ai ‘ia leai sē nofo ai,
se‘ia leai fo‘i se tagata i fale,
e matuā fa‘atafunaina fo‘i le lau‘ele‘ele,
12se‘ia ‘avemamaoina fo‘i tagata e le ALI‘I,
se‘ia matuā tu‘ulafoa‘iina le lau‘ele‘ele.
13E ui i lea, e i ai pea lona sefulu,
‘ae toe susunuina lava lea;
‘ae pei o le tapeneto ma le aluna ‘ina ‘ua tatu‘uina,
e i ai pea le pogai; e fai le fānau pa‘ia mōna pogai.”
Who We AreWhat We EelieveWhat We Do
2025 by iamachristian.org,Inc All rights reserved.
