Sefanaia 2 - Revised Samoan Catholic Bible

O le Apoapoa‘iga ‘iā Isaraelu ‘ia latou Salamō

1‘Ia ‘outou fa‘apotopoto ‘outou, ‘inā fa‘apotopotoina ia ‘outou, le nu‘u e le mana‘omia;O le Malaia o Nu‘u o lo‘o Si‘omia Isaraelu

4Auā o tu‘ulafoa‘iina Kasa, o ‘avea fo‘i Asekelona ma mea gaogao; o Asetota latou te tulia o ia i le tutonu o le lā, e lia‘iina fo‘i Ekerona.

8‘Ua ‘ou fa‘alogo atu i le fāifai mai a Moapi, ma le fa‘aleaga mai a le fānauga a Amoni, ‘ua latou fāifai mai ai i lo‘u nu‘u, ma latou fa‘amaualuluga mai ai i lo latou tuā‘oi.

10E o‘o lea mea ‘iā te i latou ‘ona o lo latou fa‘amaualuluga auā na latou fāifai ma fa‘amaualuga i le nu‘u o le ALI‘I o ‘au.

11E mata‘utia le ALI‘I e i latou; auā na te fa‘aumatia atua uma o le lalolagi; e ifo tagata ‘iā te ia ta‘itasi i le mea e nofo ai, o nu‘u tumatafaga uma o nu‘u ‘ese.

12‘Outou Aitiope fo‘i e fasiotia ‘outou i la‘u pelu.

13Na te fa‘aloaloa atu fo‘i lona ‘a‘ao i le itū i matū, ma fa‘aumatia Asuria; e fai fo‘i e ia o Nineva ma mea gaogao o le nu‘u naumati pei o le vao.