Salāmo Fa‘atomuaga - Revised Samoan Catholic Bible

Fa‘atomuagaO le tusi o Salāmo o le tusi pese ma le tusi tatalo lea o le Tusi Pa‘ia. Sa fatuina ma tu‘ufa‘atasia nei tatalo ma pese e ni Tusitala ‘ese‘ese o Isaraelu i se vaitaimi umi. Sa fa‘apenā ‘ona fa‘aaogāina e tagata Isaraelu i le taimi o latou tapua‘iga ma i‘u ai ‘ina tu‘u i totonu o latou tusitusiga pa‘ia.O nei tatalo ma pese fa‘alelotu e tele ‘ina ‘ese‘ese lagona latou te fa‘aalia mai: ‘Ua i ai pese o vi‘iga ma tapua‘iga i le Atua; o talosaga mo se fesoasoani, o puipuiga ma le fa‘aolataga. O nisi o tatalo o ōlega mo le fa‘amāgaloina o agasala; o vi‘iga fa‘afetai i le Atua ‘ona o fa‘amanuiaga ‘atoa ai ma ni talotaloga mo le taui atu i fili. O nisi o nei tatalo e fa‘asino tonu lava i le tagata ta‘ito‘atasi, a o nisi fo‘i e fa‘asino i le fa‘alapotopotoga po o le mālō fo‘i. O nisi o tatalo e fa‘alauiloa mai ai lagona loloto o tagata ta‘ito‘atasi, a o nisi e fa‘aalia mai ai mana‘oga ma lagona o tagata e to‘atele o ē fa‘atuatua i le Atua.Sa fa‘aaogāina fo‘i e Iesu nisi o tatalo o le Salāmo ma tusia e le ‘au Tusitala o le Feagaiga Fou; ma ‘avea ai o se tusi taualoa mo tapua‘iga o le Ekalesia mai lona amataga.O le Fa‘asologa o Matā‘upu:O Salāmo e 150 ‘ua fa‘atasia i ni vaega se lima e pei ‘ona fa‘atulaga atu i lalo:Tusi 1 Salāmo 1-41Tusi 2 Salāmo 42-72Tusi 3 Salāmo 73-89Tusi 4 Salāmo 90-106Tusi 5 Salāmo 107-150