Topita Fa‘atomuaga - Revised Samoan Catholic Bible

Fa‘atomuagaO le Tusi a Topita e i ai le talitonuga sa tusia i le gagana Eperu po o le gagana Arama, i le vaitaimi po o le 200-180 T.L.M. O lenei tusi ‘ua manino mai ai o se tala e uiga i se ‘āiga Iutaia sa ola i se isi atunu‘u ‘ese. E ui ‘ina āumau lenei ‘āiga i atunu‘u ‘ese ‘ae sa lē mafai ai lava ‘ona ‘ave‘esea la latou fa‘atuatuaga fa‘a-Iutaia fa‘apenā fo‘i ma a latou tu ma aga. ‘Ona o le fa‘atuatua tele o lenei ‘āiga i le Atua ma ‘ua fa‘apenā ai fo‘i ‘ona fesoasoani le Atua ‘iā te i latou. O nisi o a‘oa‘oga e momoli mai e lenei tusi, (1) o le Atua e fesoasoani i le tagata na te faia galuega lelei e pei o Topita, (2) o le ola foa‘i, (3) o le onosa‘i i tofotofoga, (4) o le agaga fa‘afetai, (5) o le lotomau, (6) o le fa‘aaloalo i tagata maliliu ma le olaga tatalo.O le Fa‘asologa o Matā‘upu:O le fa‘aaunu‘ua o Topita 1.1-24O le tauaso o Topita 2.1—3.11O Sara 3.12-25O le ‘auina atu o Tovia 4.1-23O le agelu o Refaelu 5.1-28O le i‘a 6.1—7.12O le fa‘aipoipoga a Tovia ma Sara 7.13—8.24O le fo‘i mai o Tovia 9.1—11.21‘Ua fa‘aalia e Refaelu le mea moni 12.1-22O le pese a Topita 13.1-23O le oti o Topita 14.1-17