1 Nofoa‘iga a Tupu 26 - Revised Samoan Catholic Bible

O le ‘au Leoleo Faitoto‘a ma ē Leoleo i ‘Oloa, ‘atoa ma Faipule ma Fa‘amasino

1O vasega o le ‘au leoleo faitoto‘a. O sa Korū, o Meselemia, le atali‘i o Kori, mai le fānauga a Asafo.

2O atali‘i o Meselemia; o Sakaria le ulumatua, o Ietiaelu le to‘alua, o Sepatia le to‘atolu, o Iatanielu le to‘afa,

23O sa Amaramō ma sa Isarā ma sa Heperonā, ma sa Usialū.

24O Sepuelu fo‘i o le atali‘i o Keresonā, le atali‘i ia o Mose, o le ali‘i sili ia e leoleo i ‘oloa.O Galuega a isi sa Levī

29O sa Isarā; o Kinania ma ona atali‘i sa tofia i sauniga fa‘alenu‘u ‘iā Isaraelu e fai ma faipule ma fa‘amasino.

30O sa Heperonā; o Hasapea ma ona uso, o tagata malolosi, e to‘aafe ma le to‘afitu selau na pule i sauniga ‘iā Isaraelu i le itū mai o Ioritana i sisifo i sauniga uma a le ALI‘I ma galuega fo‘i a le tupu.

31O sa Heperonā; o Ieria o le ali‘i sili i sa Heperonā i ‘āiga o ona tamā. O le tausaga e fa sefulu o le nofoa‘iga a Tavita na su‘esu‘eina ai i latou, na maua fo‘i ‘iā te i latou o toa malolosi i Iasaru i Kiliata.