Esoto O Le Fa‘atomuaga - Revised Samoan Catholic Bible

O Le Fa‘atomuaga‘Ua igoa le tusi lenei, o le Esoto, o lona uiga pe a ‘āfai e fa‘amatalaina o le ‘Malaga ‘ese’ pe o le ‘Mavae ‘ese.’ E fa‘amatala e le tusi lenei le malaga ‘ese o tagata Isaraelu mai Aikupito lea sa latou nofo pologa ai i tausaga e tele. Ma sa mafai ‘ona latou mavae ‘ese mai le malosi o Aikupito ‘ona o le malosi o lo latou Atua.‘Ua vaevaeina le tusi o le Esoto i ona vaega e fa: 1) O le mavae ‘ese o tagata Isaraelu mai Aikupito; 2) O le aga‘i atu i le mauga o Sinai; 3) O le folafolaga a le Atua sa fai i tagata Isaraelu i le mauga o Sinai ‘atoa ai ma tulafono sa tu‘uina atu ‘iā i latou; 4) O le fauina o le fale fetāfa‘i ma tulafono auā le ‘au ositaulaga.E fa‘amatalaina e le tusi lenei galuega mamana a le Atua sa fai i tagata Isaraelu ‘ae maise lava le taimi sa latou tu‘ua ai Aikupito. O le sāvaliga i le toafa i tausaga e fa sefulu, o se tasi o talatu‘u fa‘agalogatā i tagata auā o se malaga sa tele ‘ina lavea‘iina ai e le Atua lona nu‘u mai ona fili.O Mose o se tagata ta‘uta‘ua i le tusi lenei, o se ta‘ita‘i aloa‘ia ‘ona o lona loto tele i le ta‘ita‘iina o le nu‘u o le Atua. ‘Ae maise lona fa‘atuatua i le Atua e ui lava i le tele o fa‘afitauli sa fetaia‘i ma ia. O se tasi o vaega tāua tele o lenei tusi o Tulafono e sefulu (20.1-17).O le Fa‘asologa o Matā‘upu:O le Fa‘asa‘olotoina o tagata Isaraelu mai Aikupito 1.1—15.21a. O le nofopologa i Aikupito 1.1-22e. O le fānau mai o Mose 2.1—4.31i. O Mose ma Arona i luma o Farao 5.1—11.10o. O le Paseka ma le mavae ‘ese mai Aikupito 12.1—15.21Mai le sami ulaula i le mauga o Sinai 15.22—18.27O le Tulafono ma le Feagaiga 19.1—24.18O le Fale Fetāfa‘i ma fa‘atonuga o sauniga lotu 25.1—40.38