1O oe na, le sili ‘ona lālelei i fafine,
po o fea ‘ua alu i ai lou manamea?
Po o fea ‘ua afe ane i ai lou manamea,
‘ia tatou sā‘ili‘ili ‘iā te ia fa‘atasi ma oe?
Tama‘ita‘i.2‘Ua alu ifo lo‘u manamea i lana fa‘ato‘aga,
i topasama, e taumafa i ana fa‘ato‘aga
ma tau ai susana.
3O lo‘u manamea ‘ua fai a‘u mōna
o ia fo‘i ‘ua fai mo‘u;
o lo‘o taumafa o ia i totonu o susana.
O le Lima o PeseAli‘i.4La‘u pele e, ‘ua lālelei oe,
e pei o Tiresa.
‘Ua ‘aulelei e pei o Ierusalema;
‘ua mata‘utia e pei o le ‘au ‘ua i ai tagāvai.
5‘Inā liliu ‘ese ia ou fofoga ‘iā te a‘u,
auā ‘ua ‘ou mā ‘ou te va‘ai atu i ai i lo lā ‘aulelei.
O lou lauulu ‘ua pei o fulufulu o le lafu ‘oti
‘ua ta‘o‘oto mai i Kiliata.
6O ou nifo ‘ua pei o le lafu mamoe
‘ua ō a‘e a‘i le fulufuluga.
E leai se tasi o i latou ‘ua pa‘ū,
e tutusa uma lo latou matagofie.
7‘Ua pei o se fāsi rimoni ou alafau
i totonu o lou ‘ie ufimata.
8E to‘aonogafulu o masiofo;
e to‘avalugafulu o palake;
o taupou fo‘i e lē mafaitaulia.
9O la‘u lupe, o lē ‘ua sao ‘ona lelei,
e to‘atasi o ia.
O le to‘atasi o ia i lona tinā,
o le pele a lē na fānaua o ia.
Na va‘ava‘ai mai ‘iā te ia o teine,
‘ona latou fa‘a‘amu‘ia mai ai lea ‘iā te ia
o masiofo ma palake na latou vivi‘i mai fo‘i ‘iā te ia.
10“O ai ‘ea lenā ‘ua sisila mai,
e pei o le taeao.
E lālelei mai e pei o le masina,
e pupula mai e pei o le lā,
e mata‘utia e pei o le ‘au ‘ua i ai tagāvai?”
11Na ‘ou alu ifo i lo‘u toekosi,
e matamata ai i mea e tutupu i le vanu;
e matamata po o ‘ua fuga le vine,
po o ‘ua matala fuga o rimoni.
12A o le‘i iloa e a‘u ‘ua tu‘uina ai a‘u
e lo‘u loto i kariota o Aminatipo.
Tama‘ita‘i.13Fo‘i mai ia, ‘inā fo‘i mai ia,
le Sulami e; ‘ia e fo‘i mai, fo‘i mai ia,
matou te maimoa ai ‘iā te oe.
Tou te maimoa i ni a i le Sulami?
E peiseaī o le siva o ‘au e lua.
Who We AreWhat We EelieveWhat We Do
2025 by iamachristian.org,Inc All rights reserved.
