1‘Ona maliu a‘e lea o Iesu i le va‘a, ‘ua maliu atu i le tasi itū, ‘ona o‘o lea i lana lava ‘a‘ai.
2Fa‘auta fo‘i, ‘ua latou ‘aumai ‘iā te ia le tagata supa, ‘ua ta‘oto i le moega; ‘ua silafia fo‘i e Iesu lo latou fa‘atuatua, ‘ona fetalai atu ai lea o ia i le supa, “Lo‘u atali‘i e, ‘inā fa‘alototele ia oe, ‘ua fa‘amāgaloina au agasala.”
3Fa‘auta fo‘i, ‘ua fa‘apea ifo nisi o le ‘au tusi‘upu i o latou loto, “‘Ua fāifai lenei tagata i le Atua.”
4‘Ua silafia e Iesu o latou manatu, ‘ona fa‘apea atu lea o ia, “Se a le mea ‘ua mānatunatu leaga ai o ‘outou loto?O le Anapogi(Mare 2.18-22; Luka 5.33-39)
14‘Ona ō mai ai lea o so‘o o Ioane ‘iā Iesu, ‘ua fa‘apea mai, “Se a le mea ‘ua anapopogi so‘o ai i matou ma le ‘au faresaio, a o ou so‘o, e lē anapopogi i latou?”
15‘Ona fetalai atu ai lea o Iesu ‘iā te i latou, “E mafai ‘ea ‘ona fa‘anoanoa o aumea a le fa‘ato‘āfaiavā i ona aso o ‘iā te i latou le fa‘ato‘āfaiavā? ‘Ae o‘o mai ona aso e ‘ave‘eseina ai ‘iā te i latou le fa‘ato‘āfaiavā, ‘ona latou anapopogi ai lea.
16E leai se tasi nā te fonoa le matuā ‘ofu i le ‘ie fou; auā e māsae le ‘ofu i lona fono, ‘ona atili ai lea ‘ona māsae.
22A ‘ua fāliu Iesu, ‘ua silafia o ia, ‘ona fa‘apea atu ai lea o ia, “Lo‘u afafine e, ‘inā fa‘alototele ia oe, o lou fa‘atuatua ‘ua e mālōlō ai.” ‘Ona mālōlō ai lea o le fafine talu lea lava itū aso.
23‘Ua ulufale atu Iesu i le fale o le ali‘i, ‘ona silafia ai lea e ia o ē ili fagufagu ma le motu o tagata ‘ua pā le lauaitu,
24‘ua fa‘apea atu o ia ‘iā te i latou, “‘Inā ō ‘ese ia; auā e le‘i oti le teine, ‘ua nā ‘ona moe.” ‘Ona latou tapisa mai ai lea ‘iā te ia.
31A ‘ua la ō ma fa‘alaua‘itele le tala ‘iā te ia i lea nu‘u uma.
‘Ua Fa‘amālōlōina e Iesu le Tagata Gūgū32‘Ua la ō fa‘auta ‘ua latou ‘aumai ‘iā Iesu le tagata gūgū ‘ua uluitinoina e le temoni.
33‘Ua tulia le temoni ‘ona tautala mai ai lea o le gūgū. ‘Ona taufaiofo ai lea o le motu o tagata, ‘ua fa‘apea ane, “E le‘i iloa mai anamua se mea fa‘apenā i Isaraelu.”
34A ‘ua fai ane le ‘au faresaio, “O le temoni sili ‘ua tulia ai e ia o temoni.” ‘Ua Mutimutivale le Alofa o Iesu i le Motu o Tagata
35‘Ua fa‘ata‘amilo Iesu i ‘a‘ai uma ma faoa ‘a‘ai, ‘ua a‘oa‘o i o latou sunako ma tala‘i le tala lelei o le mālō, ‘ua ia fa‘amālōlō fo‘i i ma‘i uma ma ma‘i tigā uma o le nu‘u. Mata 4.23; Mare 1.39; Luka 4.44
36‘Ua silafia e ia le motu o tagata ‘ona mutimutivale ai lea o lona alofa ‘iā te i latou, ‘ona ‘ua lailoa i latou ma tu‘ulafoa‘iina, e pei o mamoe e leai so latou leoleo. Nume 27.17; 1 Tu 22.17; 2 No 18.16; Eseki 34.5; Mare 6.34
37‘Ona fetalai atu lea o ia i ona so‘o, “E tele le saito e seleseleina, a o le ‘au faigaluega e to‘aitiiti ia; Luka 10.2
38o lea ‘ia ‘outou ‘ai‘oi atu ai i le Ali‘i e ana le saito e seleseleina, ‘ina ‘ia ‘a‘auina mai e ia ni ē galulue i lana saito e seleseleina.”
Who We AreWhat We EelieveWhat We Do
2025 by iamachristian.org,Inc All rights reserved.
