Sapakuka 1 - Revised Samoan Catholic Bible

O le Tete‘e a Sapakuka i le Faimealetonu

1O le avega na va‘aia e le perofeta o Sapakuka.

2Le ALI‘I e, ‘ou te vala‘au se‘ia afea, a ‘e te lē fa‘afofoga mai; ‘ou te ‘alaga atu ‘iā te oe ‘ona o le “sauāga,” a ‘e te lē fa‘aola mai?

3Se a ‘ea le mea ‘ua e fa‘aali mai ai ‘iā te a‘u le amio leaga ma e silasila i le puapuagā? E i o‘u luma le fa‘atafunaina ma le sauā, e i ai fo‘i le fefinaua‘iga ma le fa‘atupuina o le misa.O le Tali mai a le Ali‘i

5‘Ia ‘outou va‘ai atu i nu‘u ‘ese ma ‘ia ‘outou iloa ma ia matuā taufaiofo lava; auā ‘ou te faia se galuega i ona aso o ‘outou, e ui lava ‘ina talaina atu, tou te lē talitonu ai lava.

9Latou te o uma mai ‘ina ‘ia sauā; o le fa‘asaga mai o latou mata e pei o le matagi mai sasa‘e; latou te fa‘apotopotoina tagata o tau‘a e pei o le oneone.

10Latou te tauemu i tupu, latou te tapisa fo‘i i tamaali‘i; latou te tapisa i ‘olo uma, auā latou te tanu ai le ‘ele‘ele ma latou ā‘ea.

17O le mea ‘ea lea latou te sasa‘a atu ai lo latou ‘upega ma le lē mapu ‘ona fasioti pea lava i atu nu‘u?