Kalatia 6 - Revised Samoan Catholic Bible

O ‘Upu Apoapoa‘i

1Le ‘au uso e, ‘āfai e maua se tagata i se tasi agasala, o ‘outou o i la le Agaga, ‘ia ‘outou fa‘afo‘i mai lē ‘ua fa‘apeaina ma le loto o le agamalū. ‘Ia fa‘aeteete oe ‘ina ne‘i fa‘aosoosoina fo‘i oe.

6A o lē ‘ua a‘oa‘oina i le ‘upu, ‘ia tufa atu e ia mea lelei uma lava i lē ‘ua a‘oa‘o mai.

7‘Aua ne‘i fa‘asesēina ‘outou, e lē ulagia le Atua auā o le mea e lūlūina e le tagata, o le mea lava lea e seleseleina mai ai e ia.

8O sē lūlū i la lona tino, e selesele mai ai o ia i la le tino le mea e pala; a o sē lūlū i la le Agaga, e selesele mai ai e ia i la le Agaga le ola fa‘avavau.O ‘Upu Mulimuli ma Fautuaga

11Fa‘auta i le tetele o mata‘itusi ‘ua ‘ou tusi atu ‘iā te ‘outou i lo‘u lava lima.

12O i latou uma o ē fia ta‘uleleia e tagata, latou te fa‘atauānau ‘ia peritomeina ‘outou, ‘ua na o lea, ‘ina ne‘i fa‘asauāina i latou ‘ona o le satauro o Keriso.

17E amata i ona po nei, ‘aua le toe fa‘alavelave se tasi ‘iā te a‘u; auā o a‘u ‘ou te tau‘ave fa‘ailoga o le Ali‘i o Iesu i lo‘u nei tino.

18Le ‘au uso e, ‘ia i ai i o ‘outou agaga le alofa tunoa o lo tatou Ali‘i o Iesu Keriso. Amene.