Ioelu Fa‘atomuaga - Revised Samoan Catholic Bible

Fa‘atomuagaE le‘i i ai ni fa‘amaumauga maumaututū e iloa lelei ai le perofeta o Ioelu; ‘ae o fea tonu le vaitau na soifua ai. ‘Ae peita‘i o le tusi e i ai le talitonuga sa tusia i le vaitaimi pe tusa o le 539-515 T.L.M i le taimi tonu o pulega a le mālō tele o Peresia. E fa‘amatala e le perofeta le leaga ma le mata‘utia o sē akerise fa‘apea fo‘i le naumati o le ‘ele‘ele e oge vai i totonu o Palisitina. O nei mea sa va‘aia ai e le perofeta o fa‘ailoga nei ‘ua latalata mai le aso o le Ali‘i; o le taimi e fa‘asala ai e le Ali‘i latou o ē e tete‘e i lona finagalo. Sa fa‘aalia e le perofeta o le finagalo o le Ali‘i; o le salamō moni, o lana folafolaga o le toe fa‘afouga ma fa‘amanuiaga mo lona nu‘u. Sa fa‘atāuaina e le perofeta le folafolaga a le Ali‘i, o le a ‘auina mai lona Agaga i tagata uma.O le Fa‘asologa o Matā‘upu:O le fa‘amata‘u o sē akerise 1.1—2.17O le folafolaga o le toe fa‘afouga 2.18-27O le aso o le Ali‘i 2.28—3.21