1‘Ona fai atu ai lea o Elisaia, “Fa‘alogologo mai ia ‘outou i le afioga a le ALI‘I, O lo‘o fa‘apea ‘ona fetalai mai o le ALI‘I, O le itū aso fa‘apenei a taeao, e fa‘ataulia i le faitoto‘a o Samaria le fua o falaoa lelei i le sekeli, e lua fo‘i sea o karite i le sekeli.”
2‘Ona tali mai ai lea o le tasi ali‘i, “Sa toto‘o ai le tupu i lona lima, i le tagata o le Atua, ‘ua fa‘apea mai, Fa‘auta mai, ‘āfai e faia e le ALI‘I ni faitoto‘a i le lagi e ‘iloga ‘ea e o‘o lenā mea?”
‘Ona fai atu ai lea o ia, “Fa‘auta mai, ‘e te iloa ai i ou fofoga, ‘ae ‘e te lē ‘ai ai.”
O le Sōsōla o ‘au a Suria3Na i ai fo‘i i le mea e ui atu ai i le faitoto‘a tagata lepela e to‘afa, ‘ua fetautalatala‘i i latou, “Se a le mea tatou te nonofo ai pea ‘i‘inei se‘ia oti?
13‘Ona tali mai ai lea o le tasi o ana ‘au‘auna, ‘ua fa‘apea mai, “Se‘i ‘ave nisi solofanua e lima o totoe, ‘ua i ai pea i le ‘a‘ai, (fa‘auta, ‘ua latou pei o le vao tagata o Isaraelu o ē totoe ai, fa‘auta, pei o le vao tagata o Isaraelu lava, ‘ua fa‘aumatia,) tatou te ‘a‘auina atu se‘ia iloa.”
14‘Ona latou ‘ave lea o solofanua o kariota e lua, ‘ua ‘a‘auina atu e le tupu i le toagalauapi a Suria, ‘ua fa‘apea atu, “‘Inā ō ia, ‘ia ‘outou va‘ava‘ai.”
15‘Ona latou mulimuli lea ‘iā te i latou, ‘ua o‘o i Ioritana; fa‘auta fo‘i, ‘ua fola solo i le ala uma o ‘ofu ma ipu, na lafoa‘i e Suria i lo latou sōsōla fa‘aatuatuvale. ‘Ona fo‘i mai ai lea o ē na ‘a‘auina, ‘ua ta‘u mai i le tupu.
16‘Ona ō atu ai lea o le nu‘u, ‘ua vete le toagalauapi a Suria. ‘Ona fa‘ataulia lea o le sea o falaoa lelei i le sekeli ma le lua o sea o karite i le sekeli, e pei o le afioga a le ALI‘I.
17‘Ona tofia lea e le tupu lenā ali‘i sa toto‘o ai o ia i lona lima, ‘ia leoleo e ia le faitoto‘a. ‘Ona galuvaea lava lea o ia e le nu‘u i le faitoto‘a, ‘ona oti ai lea, e pei o le ‘upu a le tagata o le Atua, na ia fai atu ai ‘ina ‘ua alu ifo le tupu ‘iā te ia.2 Tu 6.32; 7.2
18‘Ona taunu‘u ai lea o le mea na fai atu ai le tagata o le Atua i le tupu, ‘ua fa‘apea, “E lua sea o karite i le sekeli ma le sea o falaoa lelei i le sekeli, e faia lea i le itū aso fa‘apenei a taeao i le faitoto‘a o Samaria.”
19A ‘ua tali mai lenā ali‘i i le tagata o le Atua, ‘ua fa‘apea mai, “Fa‘auta ‘ea, ‘āfai e faia e le ALI‘I ni faitoto‘a i le lagi e ‘iloga ‘ea e o‘o lenā mea?”
‘Ona tali atu ai lea o ia, “Fa‘auta mai, ‘e te iloa ai lava i ou fofoga, a ‘e te lē ‘ai ai.”2 Tu 7.2
20‘Ua taunu‘u fo‘i ‘iā te ia, auā na galuvaea o ia e le nu‘u i le faitoto‘a, ‘ua oti ai.
Who We AreWhat We EelieveWhat We Do
2025 by iamachristian.org,Inc All rights reserved.
