Nauma Fa‘atomuaga - Revised Samoan Catholic Bible

Fa‘atomuaga O le Tusi a Nauma o solo ma pesega fa‘afiafia i le fa‘ato‘ilaloga o le ‘a‘ai tele ma le malosi o Nineva i le atunu‘u o Asuria, ‘ina ‘ua osofa‘ia e le mālō o Papelonia ma le mālō o Metai i le tausaga e 614; se‘i o‘o lava ‘ina matuā fa‘aumatia i le 612 T.L.M. O le fa‘ato‘ilaloga o Nineva ma lona fa‘atafunaga, sa maitauina e le Perofeta o Nauma o le fa‘amasinoga tonu a le Atua i le nu‘u sauā ma le fa‘apaupau. Sa talitonu Nauma, o le fa‘atafunaga o Nineva, o se fa‘ailoga lea o le alofa o le Atua i lona nu‘u filifilia o lo‘o fa‘atuatua ‘iā te ia (1.7).O le Fa‘asologa o Matā‘upu:O le fa‘amasinoga o Nineva 1.1-15O le pa‘ū o Nineva 2.1—3.19