2 Korinito 12 - Revised Samoan Catholic Bible

O le Mitamita o Paulo i ona Puapuagā

1E ao ‘ina ‘ou mitamita; e lē aogā fo‘i, a o le a o‘o atu la‘u ‘upu i mea na va‘aia ma fa‘aaliga mai le Ali‘i.

2‘Ua ‘ou iloa le tasi tagata o Keriso, ‘ua tasi le sefulu ma le fa o tausaga talu ‘ona segia o ia i le lagi tua tolu, — ‘ou te lē iloa pe na i le tino, ‘ou te iloa pe le‘i i le tino; ‘ua silafia le Atua. —

3‘Ua ‘ou iloa fo‘i na segia lenā tagata i parataiso, — ‘ou te lē iloa pe na i le tino o ia, pe lē i le tino; ‘ua silafia le Atua. —

4na fa‘alogo fo‘i o ia i ‘upu e lē mata‘uta‘ua, e lē tatau fo‘i i se tagata ‘ona tautala i ai.

7‘Ina ne‘i fa‘amaualuga a‘u i le silisili ‘ese o mea na fa‘aalia mai, sa tu‘uina mai ‘iā te a‘u le mea matuitui i le tino, o le agelu a Satani, e tu‘i mai ‘iā te a‘u, ‘ina ne‘i ‘ou fa‘amaualuga.O le Naunauta‘i o Paulo i tagata o Korinito

11‘Ua ‘avea a‘u ma vale; a ‘ua tōsina a‘u e ‘outou; auā ‘ana vi‘ia a‘u e ‘outou po ‘ua tatau ai; auā e ui lava ‘ina ‘ou fa‘atauva‘a lava, e leai se mea ‘ou te itiiti ai i ‘aposetolo silisili.

12Na faia lava fa‘ailoga o le ‘aposetolo ‘iā te ‘outou i le ‘onosa‘i uma, i fa‘ailoga ma vāvega ma mea mamana.

16‘Inā tu‘u ia o lea. Na lē mafatia ‘outou ‘iā te a‘u; a o la‘u fai togafiti ‘ua maua ai ‘outou e a‘u i le ‘ole‘ole.

17Pe na ‘ou sā‘ili mea ‘iā te ‘outou ma le ‘ole‘ole e so latou na ‘ou ‘auina atu ‘iā te ‘outou?

18Na ‘ou ‘ai‘oi ‘iā Tito, na ‘ou ‘auina atu fo‘i i lā‘ua ma le tasi uso. Pe na sā‘ili mea ‘ea Tito ‘iā te ‘outou ma le ‘ole‘ole? Na matou lē sāvavali ‘ea ma le loto e tasi? Na matou lē tulagāvae fa‘atasi ‘ea?

19O lenei, tou te manatu ‘ea matou te fa‘atonu atu la matou amio ‘iā te ‘outou? O lo‘o i luma o le Atua, o matou o tautala atu ai nei o i matou ‘ua ‘iā Keriso; le ‘au pele e, ‘ua faia ia mea uma e fa‘amafanafanaina ai ‘outou.

20Auā ‘ou te fefe ne‘i iloa ‘outou e a‘u, e lē fa‘apei ‘ona ‘ou loto i ai, pe a ‘ou alu atu, ne‘i iloa fo‘i a‘u e ‘outou, e lē pei ‘ona ‘outou loto i ai; ne‘i ‘iā te ‘outou o misa, o fa‘amatatau‘a, o fa‘alotoa, o finau vale, o ‘upu‘esega, o tuaupua, o loto fa‘afefeteina, o fa‘alētaupulea.