1 Samuelu 29 - Revised Samoan Catholic Bible

‘Ua lē mafai Filisitia ‘ona latou ō ma Tavita i le Tau‘a

1‘Ua fa‘apotopoto e Filisitia a latou ‘au uma lava i Afeka; a ‘ua tolauapi Isaraelu i le vaipuna o i Isereelu.

4A ‘ua ita ali‘i Filisitia ‘iā te ia ‘ua fai atu fo‘i ali‘i Filisitia ‘iā te ia, “‘Ia fa‘afo‘i atu lenā tamaloa, ma ia nofo o ia i le mea ‘ua e tofia ‘iā te ia; ‘aua le alu o ia ma i tatou i le tau‘a, ‘aua ne‘i ‘au ‘ese o ia ‘iā te i tatou i le tau‘a; se a se mea e fa‘alelei a‘i o ia nei ma lona ali‘i, e lē o ulu ‘ea o nei tagata?

5E lē o Tavita ‘ea lenei sa latou lagi fetalia‘i ai ‘iā latou siva, o lo‘o fa‘apea,

‘‘Ua fasia e Saulo ana afe,

a o Tavita ana sefulu o afe?’”

6‘Ona vala‘au lea o Akisa ‘iā Tavita, ‘ua fai atu ‘iā te ia, “O lo‘o soifua le ALI‘I, ‘ua tonu lava oe ma le lelei ‘iā te a‘u i lo tā feoa‘i ma alu i le togālauapi; auā ‘ua ‘ou lē iloa se leaga ‘iā te oe talu le aso na e sau ai ‘iā te a‘u, ‘ua o‘o i lenei aso. A ‘ua e lē lelei i manatu o ali‘i.

11‘Ua tula‘i Tavita, o ia ma ona tagata, e ala usu i le taeao, o le a fo‘i atu i le nu‘u o Filisitia; a o Filisitia ‘ua ō a‘e i latou i Isereelu.