2 Peteru Fa‘atomuaga - Revised Samoan Catholic Bible

Fa‘atomuagaO le Tusi e Lua a Peteru sa tusia ma ‘auina atu ma fa‘asalalau atu i tagata Kerisiano uma o lo‘o āumau i so‘o se vaega o le lalolagi. O le ‘autū moni o lenei tusi o le fa‘asagatau atu i perofeta pepelo po o a‘oa‘o pepelo sa latou tala‘iina ni a‘oa‘oga sesē i tagata fa‘atuatua (2.1-22). O nei perofeta pepelo sa latou fa‘ailoa mai o Iesu e lē toe afio mai; ‘ae sa tali atu i ai le tusi tala e lē tuai mai ‘ae ‘ua finagalo le Atua se‘i muamua ‘ona salamō le tagata mai ana agasala. (3.9) Sa tele ‘ina fautua le tusi tala ma lapata‘i i tagata fa‘atuatua e ao lava ‘ina mataala e tāofi mau le talitonuga moni ‘iā Iesu ma mata‘alia e tete‘e atu i nei a‘oa‘oga sesē o lo‘o a‘oa‘oina e le ‘au a‘oa‘o pepelo (3.17-18)O le manatu ‘autū o le ‘au su‘esu‘e i le ‘upu a le Atua, o le tusi lenei sa tusia e fa‘atusaina i le 100 tausaga o le vaitaimi o le Ali‘i. (Anno Domini)O le Fa‘asologa o Matā‘upu:O le ‘upu fa‘afeiloa‘i 1.1-2O le Vala‘auina i le tofi Kerisiano 1.3-21O Perofeta pepelo 2.1-22O le afio mai o Keriso 3.1-16O le Fautuaga mulimuli 3.17-18