1 Tupu 3 - Revised Samoan Catholic Bible

O le Fai avā o Solomona ma lana Tatalo mo le Poto(2 No 1.3-12)

1‘Ua feusua‘i Solomona ma Farao le tupu o Aikupito, ‘ua fai avā fo‘i o ia i le afafine o Farao, ma ‘aumai ‘iā te ia i le ‘a‘ai o Tavita, se‘ia uma ‘ona fai o lona fale ma le fale o le ALI‘I, ma le pā e si‘o a‘i Ierusalema.

4Na alu atu fo‘i le tupu i Kipeona e fai ai taulaga; auā o le mea maualuga lea e sili; e tasi le afe o taulaga mū na osia e Solomona i luga i lea fatafaitaulaga.

10‘Ua lelei lana ‘upu i le Ali‘i, ‘ina ‘ua fa‘atoga e Solomona i lenā mea.

11‘Ona tali mai ai lea o le Atua ‘iā te ia, “‘Ua e fa‘atoga mai i lenei mea, a ‘ua e lē fa‘atoga mai i le ola tulu‘i mo oe, ‘ua e lē fa‘atoga fo‘i mo oe ‘ia mau‘oa, ‘ua e lē fa‘atoga mai fo‘i ‘ia oti ē ‘ua ita mai ‘iā te oe; a ‘ua e fa‘atoga mo oe le loto matala ‘ia e iloa ai ‘ona fa‘amasino,

12fa‘auta, ‘ua ‘ou faia e fa‘apei ‘ona e fai mai ai; fa‘auta, ‘ua ‘ou foa‘iina atu ‘iā te oe le loto poto ma le matala; sa leai se tasi na muamua ‘iā te oe e tusa ma oe, e lē toe tupu mai fo‘i se tasi e mulimuli ‘iā te oe e tusa ma oe.

15‘Ona ala mai lea o Solomona; fa‘auta, o le miti. ‘Ua alu atu o ia i Ierusalema, ‘ona tu lea i luma o le ‘atola‘au o le feagaiga a le ALI‘I; ‘ua avatua fo‘i e ia o taulaga mū, ma ia faia taulaga fa‘afetai; ‘ua ia saunia fo‘i le tausamiga mo ana ‘au‘auna uma.

O le Fa‘amasinoga Sa‘o a Solomona

16‘Ona ō mai ai lea i le tupu o fafine talitane e to‘alua, ‘ua la tutū i ona luma.