1O le ‘au ositaulaga o sa Levī, ma le itū‘āiga uma o Levi, e leai so latou fanua po o se tofi fa‘atasi ma Isaraelu; o taulaga e fai i le afi i le ALI‘I, o lona tofi lea, latou te ‘a‘ai ai.
2E leai fo‘i sona tofi fa‘atasi ma ona uso; o le ALI‘I o lona tofi o ia, e pei ‘ona fetalai mai ai o ia ‘iā te ia.
3O mea nei e tatau ‘ona maua e le ‘au ositaulaga mai le nu‘u, mai ‘iā i latou o ē fai taulaga, po o se povi po o se mamoe; ‘ia latou avatu i le ositaulaga o le ālagalima, ma alafau e lua, ma le puta.
4O le fa‘apolopolo o lau saito, o lau uaina, ma lau suāu‘u, ‘atoa ma selega muamua o fulufulu o au mamoe, ‘ia e avatua, ia mea ‘iā te ia.
5Auā ‘ua filifilia o ia e le ALI‘I lou Atua mai ou itū‘āiga uma, e tu ma ‘au‘auna i le suafa o le ALI‘I, o ia ma ona atali‘i i aso uma lava.
6‘Āfai fo‘i e sau se sa Levī ai se tasi o au ‘a‘ai i Isaraelu uma, sa āumau ai o ia; a sau ma le mana‘o ‘ato‘atoa o lona loto i le mea e filifilia e le ALI‘I;
7‘ona ‘au‘auna lea o ia i le suafa o le ALI‘I lona Atua, e pei o ona uso uma o sa Levī, o ē tutū i lea mea i luma o le ALI‘I.
8E tutusa tufa‘aga latou te ‘a‘ai ai, ‘ae ‘ese lava le fa‘atau o mea sa i ona tamā.
Lapata‘iga i le Ifo i Tupua9A ē o‘o atu i le nu‘u ‘ua foa‘iina mai e le ALI‘I lou Atua ‘iā te oe, ‘aua ne‘i e fa‘aa‘oa‘o ‘ona fai e pei o mea ‘inosia a ia nu‘u.
10‘Aua ne‘i iloa ‘iā te oe se tasi na te fa‘aui ane lona atali‘i po o lona afafine i le afi, o se fai togafiti fa‘ataulāitu, o se ‘i‘ite i ao o le lagi, po o se sā‘ili fa‘ailoga, po o se taulāitu,Folafolaga o se Perofeta e ‘Auina Mai
14Auā o nu‘u nei, o le a e fai mou, ‘ua fa‘alogo i latou i ē ‘i‘ite i ao o le lagi, ma ē fai togafiti fa‘ataulāitu; a o oe, e lē mafai e le ALI‘I lou Atua ‘ona e faia fa‘apea.
15E fa‘atūina e le ALI‘I lou Atua mai ‘iā te oe, o so lou ‘au uso, se perofeta mo oe e pei o a‘u nei; tou te fa‘alogo ‘iā te ia;
16E tusa ma mea uma lava na e mana‘o i ai i le ALI‘I lou Atua i Horepa i le aso o le fa‘apotopotoga, na fa‘apea mai: “‘Aua ne‘i ‘ou toe fa‘alogo atu i le si‘ufofoga o le ALI‘I lo‘u Atua, pe toe va‘ai atu i lenā afi tele, ne‘i ‘ou oti.”
17‘Ona fetalai mai lea o le ALI‘I ‘iā te a‘u: “‘Ua lelei a latou na latou fai mai ai.
18‘Ou te fa‘atūina mo i latou, o so latou uso, se perofeta e pei o oe; ‘ou te tu‘uina atu fo‘i a‘u ‘upu i lona gutu e fai atu fo‘i e ia ‘iā te i latou mea uma lava ‘ou te fai atu ai ‘iā te ia.
19O le tagata fo‘i e lē fa‘alogo i a‘u ‘upu, e fai atu ai e ia i lo‘u igoa, o a‘u nei, ‘ou te taui atu ‘iā te ia.Galu 3.23
20A o le perofeta e fa‘amaualuga ma tautala i se ‘upu i lo‘u igoa, ‘ou te le‘i fai ane ‘iā te ia e tautala atu ai, pe tautala ia i igoa o atua ‘ese, e oti lea lava perofeta.”
21‘Āfai fo‘i ‘e te fa‘apea ifo i lou loto, “Pe fa‘apefea ‘ona matou iloa o le ‘upu e le‘i fetalai i ai le ALI‘I.”
22A tautala se perofeta i le suafa o le ALI‘I, ‘āfai e lē o‘o le mea, e lē taunu‘u fo‘i, o le ‘upu lea na lē fetalai mai ai le ALI‘I; o le fa‘amaualuga o lea perofeta ‘ua tautala ai o ia; ‘aua ‘e te fefe ‘iā te ia.
Who We AreWhat We EelieveWhat We Do
2025 by iamachristian.org,Inc All rights reserved.
