Numera 35 - Revised Samoan Catholic Bible

O ‘A‘ai e Nonofo ai sa Levī

1‘Ua fetalai mai fo‘i le ALI‘I ‘iā Mose i le ‘ele‘ele laugatasi o Moapi, e latalata ane i Ioritana, e fesagai ma Ieriko, ‘ua fa‘apea mai:O ‘A‘ai Sulufa‘i(Teu 19.1-13; Iosu 20.1-9)

9‘Ua fetalai mai fo‘i le ALI‘I ‘iā Mose, ‘ua fa‘apea mai:

10‘Ia e fai atu i le fānauga a Isaraelu, ‘ia fa‘apea atu ‘iā te i latou, Pe a ‘outou sopo‘ia atu Ioritana i le nu‘u o Kanana,

11‘ona tofia lea e ‘outou o ‘a‘ai e fai ma ‘a‘ai o sulufa‘iga ‘iā te ‘outou; ‘ina ‘ia sola i ai o lē fasioti tagata o lē ‘ua pa‘ivalea ai se tasi ‘iā te ia.

12E fai fo‘i ia ‘a‘ai ma sulufa‘iga ‘iā te ‘outou a‘i lē na te taui ma sui, ‘ina ne‘i oti le fasioti tagata; se‘ia tu mai o ia i luma o le fa‘apotopotoga e fa‘amasinoina ai.

16‘Ae ‘āfai e fasia se tasi e le tasi i se u‘amea e oti ai lava o ia, o le fasioti tagata lava lea; ‘ia matuā fasiotia lava le fasioti tagata.