1O le amataga o le tala lelei ‘iā Iesu Keriso o le Alo o le Atua.
2E pei ‘ona tusia i le tusi a Isaia,
“Fa‘auta, ‘ou te ‘auina atu la‘u sāvali e muamua atu i ou luma,
na te teuteua lou ala.
3O le leo o lē ‘ua ‘alaga i le vao,
‘‘Inā teuteu ia e ‘outou le ala o le Ali‘i,
ia fa‘asasa‘o ona ala.’”
4‘Ua o‘o mai Ioane le papatiso i le vao, ma tala‘i atu ai le papatisoga o le salamō ‘ina ‘ia fa‘amāgaloina agasala.
5‘Ua ō atu fo‘i le nu‘u uma o Iutaia ‘iā te ia, ‘atoa ma tagata o Ierusalema, mā ‘ua papatisoina i latou uma e ia i le vaitafe o Ioritana, ‘ua ta‘u atu a latou agasala.
6‘Ua ‘ofu Ioane i le fulufulu kamela, ma le fusi pa‘u i lona sulugātiti; a o ana mea e ‘ai o sē akerise ma le meli vao ia.
12‘Ona ‘ave ai lea o ia e le Agaga i le vao.
13Sa i ai fo‘i o ia i le vao i pō e fagafulu, ‘ua fa‘aosoosoina e Satani; sa i ai ma manu fe‘ai, sa ‘au‘auna fo‘i agelu ‘iā te ia.
‘Ua Vala‘auina e Iesu Tagata Fai Faiva e To‘afa(Mata 4.12-22; Luka 4.14-15; 5.1-11)14‘Ua tu‘uina atu Ioane i le fale puipui, ‘ona maliu atu lea o Iesu i Kalilaia, ‘ua tala‘i atu ai le tala lelei i le mālō o le Atua, ‘ua fa‘apea atu,
15“‘Ua o‘o mai ona pō, ‘ua latalata mai le mālō o le Atua; ‘inā salamō ia ma fa‘atuatua i le tala lelei.”
16‘Ua savali ane o ia e latalata ane i le vai o Kalilaia, ‘ona silafia lea e ia o Simona ma Aneterea lona uso, ‘ua la lafo le ‘upega i le vai; auā o tagata fai faiva i lā‘ua.
17‘Ona fetalai atu lea o Iesu ‘iā te i lā‘ua, “‘Inā mulimuli mai ia ‘iā te a‘u, ‘ou te faia ‘oulua ma fai faiva i tagata.”
18‘Ona la tu‘ua lea o la ‘upega, ‘ae mulimuli atu ‘iā te ia.
19‘Ua tuana‘i atu teisi lea mea, ‘ona silafia lea e ia o Iakopo le atali‘i o Sepetaio ma Ioane lona uso, ‘ua i le va‘a, ‘ua fai māsae o latou ‘upega.
20‘Ua vala‘au atu lea o ia ‘iā te i lā‘ua ‘ona lā tu‘ua lea o lo la tamā o Sepetaio i le va‘a fa‘atasi ma ‘au‘auna, a ‘ua la mulimuli atu ‘iā te ia.
O le Tagata na Uluitinoina e le Agaga Leaga(Luka 4.31-37)21‘Ua ō fo‘i i latou i Kapanaumi; ‘ona maliu atu lea o ia i le sunako i le sapati ‘ua a‘oa‘o ai.
22‘Ua matuā ofo fo‘i i latou i lana a‘oa‘oga; auā ‘ua ia a‘oa‘o ‘iā te i latou e fa‘apei o sē ‘ua i ai le pule, ‘ae lē pei o le ‘au tusi‘upu.
23Sa i ai fo‘i i lo latou sunako le tagata ‘ua i ai le agaga leaga; ‘ua ‘alaga fo‘i o ia,
24‘ua fa‘apea mai, “Auē, Iesu e, le Nasareta! Se a se mea ‘e te mana‘o mai ai ‘iā te i matou? ‘Ua e maliu mai ‘ea ‘ia fa‘aleaga i matou? ‘Ua ‘ou iloa o oe o le Pa‘ia oe o le Atua.”
25‘Ona vavao atu lea o Iesu ‘iā te ia, ‘ua fa‘apea atu, “‘Inā fa‘alologo ia ma e alu i fafo mai ‘iā te ia.”
26‘Ona fa‘ata‘afiti lea o le agaga leaga ‘iā te ia, ‘ua ‘alaga fo‘i ma le leo tele, ‘ona alu lea o ia i fafo mai ‘iā te ia.
27‘Ona taufaiofo ai lea o i latou uma ‘ua latou fesili ai le tasi i le tasi, ‘ua fa‘apea, “Pe se a lenei? Se a fo‘i lenei a‘oa‘oga fou? Auā ‘ua pule o ia i agaga leaga ma fetalai atu i ai, ‘ona latou fa‘alogo lava lea ‘iā te ia.”
28‘Ona logo atu lea o le tala ‘iā te ia i le nu‘u uma o Kalilaia.
‘Ua fa‘amālōlō e Iesu le To‘atele o Tagata Mama‘i(Mata 8.14-17; Luka 4.38-41)29‘Ua latou ulufafo i le sunako, ‘ona ō atu loa lea i le fale o Simona ma Aneterea, ‘ua ō fa‘atasi ma Iakopo ma Ioane.
30Sa ta‘oto ai fo‘i le tinā o le avā a Simona i le ma‘i vevela; ‘ona latou ta‘uina atu lea ‘iā Iesu e uiga mo ia.
31‘Ona sōsō atu lea o Iesu ‘iā te ia, ‘ua tago ifo i lona lima, ‘ua fa‘atū ‘iā te ia i luga; ‘ona mavae lea o lona ma‘i vevela, ‘ona ‘au‘auna lea o ia ‘iā te i latou.
32‘Ua o‘o i le afiafi i le goto o le lā, ‘ona latou ‘aumai lea ‘iā te ia o ē mama‘i uma, ‘atoa ma ē ‘ua uluitinoina e temoni.
33‘Ua potopoto uma ane fo‘i le ‘a‘ai i le faitoto‘a.
34‘Ona ia fa‘amālōlōina lea o tagata e to‘atele na mama‘i i ma‘i ‘ese‘ese, ‘ua ia tulia fo‘i temoni e to‘atele, ‘ua ia lē tu‘u atu fo‘i i temoni e tautala, auā ‘ua latou iloa o ia.
‘Ua A‘oa‘o atu Iesu i Kalilaia(Luka 4.42-44)35O le taeao ‘ua ala pō ai o ia, ‘ona ulufafo lea o ia ma maliu atu i le mea tu‘ufua ma tatalo ai.
36‘Ua mulimuli atu fo‘i ‘ia te ia o Simona ma i latou sa ‘iā te ia.
37‘Ua latou maua o ia, ‘ona latou fai mai lea ‘iā te ia, “O lo‘o sā‘ili tagata uma ‘iā te oe.”
38‘Ona fetalai atu lea o ia ‘iā te i latou, “‘Inā tatou ō atu ia i ‘a‘ai e latalata mai, ‘ia ‘ou tala‘i atu i ai le tala lelei, auā o le mea lea na ‘ou sau ai.”
39‘Ua ia tāla‘i fo‘i i o latou sunako i Kalilaia uma ma tutuli temoni.‘Ua Fa‘amālōlō e Iesu le Tagata Lepela(Mata 8.1-4; Luka 5.12-16)
40‘Ua sau le lepela ‘iā Iesu, ‘ua ‘ai‘oi ‘iā te ia ma to‘otuli ‘iā te ia, ma ‘ua fa‘apea mai, “‘Āfai ‘ua e finagalo i ai, ‘e te mafaia ‘ona fa‘amamā ‘iā te a‘u.”
41‘Ona mutimutivale lea o le alofa o Iesu ‘iā te ia, ‘ua ‘a‘apa atu lona ‘a‘ao, ‘ua pa‘i atu ‘iā te ia ma fetalai atu ‘iā te ia, “‘Ou te loto i ai, ‘inā mamā ia oe.”
42‘Ua fetalai atu o ia, ‘ona te‘a lea o le ma‘i lepela ‘iā te ia, ‘ona mamā ai lea o ia.
43‘Ona matuā vavao atu lea o Iesu ‘iā te ia ma tu‘uina atu loa ‘iā te ia e alu.
44‘Ua fa‘apea atu fo‘i ‘iā te ia, “‘Ia oe, ne‘i e ta‘u atu sina tala i se tasi; a ‘ia e alu, ma fa‘aali oe i le ositaulaga; ma avane o mea na poloa‘i ai Mose mo lou fa‘amamāina, e fai ma fa‘ailoga ‘iā te i latou.”
45A ‘ua alu atu o ia, ‘ona matuā tala‘i atu lea ma fa‘asalalau le tala, o lea e le‘i toe mafai ai e ia ‘ona maliu fa‘aali i le ‘a‘ai; a ‘ua nofonofo i mea tu‘ufua; ‘ua latou ō ane fo‘i ‘iā te ia mai itū uma.
Who We AreWhat We EelieveWhat We Do
2025 by iamachristian.org,Inc All rights reserved.
