2 Timoteo 1 - Revised Samoan Catholic Bible

O ‘Upu Fa‘afeiloa‘i

1O Paulo, o le ‘aposetolo a Iesu Keriso i le finagalo o le Atua, e tusa ma le folafolaga o le ola o lo‘o ‘iā Keriso Iesu.

2‘Ia Timoteo lo‘u atali‘i pele.

‘Ia ‘iā te oe le alofa tunoa, ma le alofa, ma le manuia mai le Atua le Tamā, ‘atoa ma Keriso Iesu lo tatou Ali‘i.O le Fa‘afetai ma le Fa‘amalosi‘au

3‘Ou te fa‘afetai atu i le Atua, o lē ‘ou te ‘au‘auna i ai ma le loto fuatia ifo ‘ua mamā e pei ‘ona o‘u tupuga, ‘ina ‘ua ‘ou manatua oe e lē aunoa i a‘u fa‘atoga i le po ma le ao.

11‘Ua tofia ai a‘u o lē tala‘i ma le ‘aposetolo, ma le a‘oa‘o.

12O le mea lea ‘ua tigāina ai a‘u i ia mea; a ‘ou te lē mā lava, auā ‘ua ‘ou iloa o ia ‘ua ‘ou fa‘atuatua i ai, ‘ua ‘ou mautinoa fo‘i ‘ua mafaia lava e ia ‘ona leoleo i le mea na ia tu‘uina mai ai ‘iā te a‘u e o‘o atu i lea lava Aso.

13O matua o ‘upu e ola ai, na e fa‘alogologo mai ai ‘iā te a‘u, ‘ia e tāofia i le fa‘atuatua ma le alofa ‘iā Keriso Iesu.