Failauga 9 - Revised Samoan Catholic Bible

O Mea e o‘o i ē Amio Lelei ma ē Amio Leaga; o le Pule a le Atua; ma le Aogā o le Poto

1Na ‘ou mānatunatu lava i lo‘u loto i na mea uma, na ‘ou matuā su‘esu‘e fo‘i na mea uma; ‘ua i le ‘a‘ao o le Atua le ‘ua amiotonu ma ē ‘ua popoto, ‘atoa ma a latou galuega; e lē iloa fo‘i e tagata le alofa po o le ita i mea uma i o latou luma.E Sili le Poto i lo le Malosi

13‘Ua ‘ou iloa fo‘i lenei poto i lalo o le lā, ‘ua tele fo‘i lea i lo‘u manatu;

14o si ‘a‘ai itiiti, e to‘aitiiti fo‘i tagata na i ai; na alu atu fo‘i i ai le tupu tele, na ia vagaia, na ia fai fo‘i ‘olo tetele e fa‘afeagai i ai;

15na iloa ai fo‘i le tasi tagata mativa, ‘ae poto; na ia fa‘asaoina fo‘i le ‘a‘ai i lona poto; a ‘ua leai se tagata na ia manatua lea tagata mativa.

17E sili ‘ona fa‘alogoina ‘upu filemū a ē popoto,

i le ‘alaga a le faipule valea.

18E sili ‘ona lelei o le poto i ‘au‘upega o le tau‘a;

‘ae māumau i le tagata agasala e to‘atasi mea lelei e tele.