Mika 3 - Revised Samoan Catholic Bible

O le ‘Upu e A‘oa‘i atu i Ali‘i o le Nu‘u ma Perofeta Pepelo

1Sa a‘u fa‘apea atu fo‘i: Fa‘afofoga mai ia ‘outou matai o Iakopo ma ‘outou faipule o le ‘āiga o Isaraelu, E lē o ‘iā te ‘outou ‘ea ‘ona iloa le fa‘amasinoga?

5O lo‘o fa‘apea mai le ALI‘I i perofeta o ē fa‘asesē i lo‘u nu‘u, o ē feū i o latou nifo ma latou ‘alalaga atu, “O le manuia,” a o le ‘ua lē avane mea i o latou gutu latou te sauni lava le tau‘a ‘iā te ia.

6O le mea lea e pogia ai ‘outou ma le leai o se mea e va‘aia, e o‘o fo‘i le pouliuli ‘iā te ‘outou ma le leai o se ‘i‘ite; e goto fo‘i le lā i ia perofeta, e pogisā fo‘i le ao ‘iā te i latou.

8‘Ae peita‘i o a‘u, e moni lava, ‘ua fa‘atumuina a‘u i le mana e le Agaga o le ALI‘I, o le fa‘amasinoga fo‘i, ma le malosi, e fa‘ailoa atu ai ‘iā Iakopo o lana solitulafono, e fa‘ailoa atu fo‘i ‘iā Isaraelu o lana agasala.

12O le mea lea e fai ai Siona ma fanua e suatia ‘ona o ‘outou, e fai fo‘i Ierusalema ma faupu‘egama‘a, o le mauga fo‘i o i ai le fale e fai lea ma mea maualuga i le vao matua.