Numera O Le Fa‘atomuaga - Revised Samoan Catholic Bible

O Le Fa‘atomuagaO le Tusi o le Numera o fa‘amatalaga o talatu‘u o tagata Isaraelu, talu lo latou mavae mai le mauga o Sinai i tausaga e fa sefulu. Sa latou taunu‘u atu loa i le itū i sasa‘e i le fanua lea sa folafolaina e le Atua i a‘i latou. O le igoa o le Tusi o Numera ‘ua fa‘atatau i le faitau aofa‘i o tagata Isaraelu i le mauga o Sinai a‘o le‘i tu‘ua lea mauga. Sa toe faitauina le to‘atele o tagata i le mauga o Moapi i le itū i sasa‘e o Ioritana ‘ina ‘ua mavae atu i ai nisi tausaga se tele. ‘Ina ‘ua māe‘a le lauina o le faitau aofa‘i, ‘ona latou faimalaga mai ai loa lea i Katesapanea i le itū i saute e tuā‘oi ma Kanana. Sa lē mafai ‘ona latou ulufale i le ‘ele‘ele o le folafolaga ‘ae sa latou toe aga‘i atu i le itū i sasa‘e o le vaitafe o Ioritana. Sa i ai nisi o tagata Isaraelu sa nonofo mau ai i lenei lau‘ele‘ele ‘ae o le to‘atele o i latou sa latou ulufale atu ma nonofo i Kanana.O le tele o fa‘amatalaga o le Numera e fa‘ailoa mai ai, a le loto vaivai o tagata Isaraelu ma le fefefe i le fetaia‘i ma faigatā o le olaga. Sa to‘atele tagata sa tete‘e atu i le Atua ma le lē fiafalogo ‘iā Mose le ‘au‘auna na filifili e le Atua e ‘avea ma o latou ta‘ita‘i. ‘Ae ui i lea sa tumau pea le fa‘amaoni o le Atua i lana feagaiga i lana puipuiga o lona nu‘u filifilia.O le Fa‘asologa o Matā‘upu:O le sauni mavae mai o tagata mai Sinai 1.1—9.23a. O le faitauina muamua o le aofa‘i o tagata 1.1—4.49e. O tulafono ‘ese‘ese 5.1—8.26i. O le Paseka 9.1-23O le mavae mai le mauga o Sinai i Moapi 10.1—21.35O mea ofoofogia sa tutupu i Moapi 22.1—32.42O le lua o fa‘amatala o le mavae mai Aikupito i Moapi 33.1-49O lapata‘iga i tagata o Isaraelu a‘o le‘i ulufale atu i Ioritana 33.50—36.13