1Na ‘ou iloa le Ali‘i, o lo‘o tu i luga o le fatafaitaulaga ma ‘ua fa‘apea mai o ia: ‘Inā ta ia le la‘au fa‘alava o le faitoto‘a, ‘ia lūlūina ai o pou; ‘ia gaugau ai i luga o latou ulu uma; ‘ou te fasioti fo‘i i le pelu ē ‘ua totoe o i latou; ‘ai so latou e sola e lē sao ia, ‘ai so latou e sola ‘ese e lē lavea‘iina o ia.
5O le Ali‘i le ATUA o ‘au, o ia e pa‘i atu i le lau‘ele‘ele,
‘ona liu suāvai ai lea,
e fa‘anoanoa fo‘i i latou uma o ē nonofo ai.
E matuā alu a‘e e pei o se vaitafe, e lofia o ia e pei o le vaitafe o Aikupito.
6O ia lava o lē na te faia ona afio‘aga i le lagi,
ma na fa‘avaeina lana fa‘aputugamea i le lalolagi.
O lē na te vala‘auina i le suāsami,
o le sami ma fa‘amaligi ai i le fogā‘ele‘ele.
O le ALI‘I, o lona suafa lea.
7O lo‘o fa‘apea mai le ALI‘I: Le fānauga a Isaraelu e, o le ‘ua pei o tagata Aitiope ‘ea ‘outou ‘iā te a‘u? Pe na lē ‘aveina a‘e Isaraelu e a‘u a‘i le nu‘u o Aikupito? O Filisitia fo‘i a‘i Kafetori ma Suria a‘i Kira?
9Fa‘auta mai fo‘i, ‘ou te fai atu, ‘ou te lūlūina fo‘i le ‘āiga o Isaraelu i nu‘u uma, e pei ‘ona lūlūina o saito i le lūlū, ‘ae lē pa‘ū sina fua i le ‘ele‘ele.
Fa‘auta, e o‘o mai ona aso e aulia ai lē suatia le fanua i lē selesele saito,
ma lē solivine i lē lūlū saito.
E tautulu mauga i le suāvine,
e tafea ai mea maupu‘epu‘e uma.
14‘Ou te fa‘afoisia mai le tāfeaga o lo‘u nu‘u o Isaraelu.
‘Ona latou fa‘atūina ai lea o ‘a‘ai ‘ua fa‘atafunaina, ma nonofo ai;
latou te totōina fo‘i tōvine ma inu uaina ai;
latou te fai fo‘i fa‘ato‘aga ma ‘a‘ai ai ona fua.
15‘Ou te totōina i latou i lo latou lau‘ele‘ele,
e lē toe lia‘iina i latou a‘i lo latou lau‘ele‘ele na ‘ou foa‘iina atu ai ‘iā te i latou.
O lo‘o fetalai mai ai le ALI‘I lou Atua.
Who We AreWhat We EelieveWhat We Do
2025 by iamachristian.org,Inc All rights reserved.
