1‘Ua mavae nisi aso i ona po o le seleselegāsaito, ‘ona asiasi atu lea e Samasoni o lana avā ‘ua ‘ave ai se tama‘i ‘oti; ‘ua fai ane, “‘Ou te alu atu i la‘u avā i le afeafe.”
‘Ae lē mafai lona tamā ‘ina ‘ia ulu atu ai o ia.
7‘Ua fai atu Samasoni ‘iā te i latou, “E ui lava ‘ina ‘outou faia o lea mea, ‘ae ‘ou te taui atu ‘iā te ‘outou, e mulimuli ane ‘ona ‘ou mapu lea.”
8‘Ona fasia lea o i latou e ia o vae ma ‘ogāvae, o le fasi tele; ‘ona alu ifo lea o ia, ‘ua nofo i le vā i papa o Etama.
‘Ua Fasia e Samasoni o Filisitia9‘Ona ō a‘e lea o Filisitia, ‘ua tolauapi i Iuta, sa fa‘asalalau i latou i Lei.
10‘Ua fai atu tagata o Iuta, “O le a le mea ‘ua ‘outou ō mai ai e tau ma i matou?”
‘Ua fai mai i latou, “Matou te ō mai e fusifusi ‘iā Samasoni, e fai ‘iā te ia e pei ‘ona faia e ia ‘iā i matou.”
11‘Ona ō ifo lea o tagata o Iuta e tolu gaafe i le vā i papa o Etama, ‘ua latou fai mai ‘iā Samasoni, “‘E te le‘i iloa ‘ea ‘ua pule lava Filisitia ‘iā i tatou? O le a lenei mea ‘ua e faia ‘iā te i matou?”
‘Ua fai atu o ia ‘iā te i latou, “E fa‘apei ‘ona latou faia ‘iā te a‘u, ‘ua fa‘apea ‘ona ‘ou faia ‘iā te i latou.”
12‘Ua latou fai mai ‘iā te ia, “‘Ua matou ifoifo mai nei e fusifusi ‘iā te oe, ma tu‘u atu ‘iā te oe i lima o Filisitia.”
‘Ona fai atu lea o Samasoni ‘iā i latou, “‘Inā ‘outou tautō mai ‘iā te a‘u, tou te lē fasia a‘u e ‘outou.”
13‘Ua latou fai mai ‘iā te ia, o lo‘o fa‘apea, “E leai; ‘ae matou te fusifusia lava oe, ma tu‘u atu ‘iā te oe i o latou lima, ‘ae matou te lē fasia lava oe.” ‘Ona latou fusifusia lea o ia i maea fou e lua, ‘ua latou ‘ava‘e ‘iā te ia ai le papa.
18‘Ona matuā fia inu lea o ia; ‘ua ia vala‘au i le ALI‘I, ‘ua fa‘apea atu, “‘Ua e foa‘i mai i lau ‘au‘auna lenei olataga tele a o le a a‘u oti i le fia inu, ‘ona maua lea o a‘u e le ‘au lē peritomeina.”
19‘Ona tatala lea e le Atua le mea magoto sa i Lei, ‘ona alu atu ai lea o le vai, ‘ua inu ai o ia, ‘ona fo‘i atu lea o lona agaga, ‘ua ola lava ia; o le mea lea ‘ua ia fa‘aigoa ai lea mea o Eniakori, o lo‘o i Lei, ‘ua o‘o mai i lenei lava aso.
20‘Ua ia fa‘amasino ‘iā Isaraelu i ona po na mālō ai Filisitia, o tausaga e luafulu.
Who We AreWhat We EelieveWhat We Do
2025 by iamachristian.org,Inc All rights reserved.
