Salāmo 87 - Revised Samoan Catholic Bible

O le Manuia o SionaO le salāmo, o le pese lea mā le fānauga a Koru

1O lona fa‘avae o i le atu mauga pa‘ia lea.

2E sili le fiafia o le ALI‘I i faitoto‘a o Siona,

i lona fiafia i mea uma e nonofo ai Iakopo.

3O mea e vi‘ia ‘ua ta‘ua lava ‘iā te oe,

le ‘a‘ai a le Atua. Selā.

4“‘Ou te ta‘ua Raava ma Papelonia fa‘atasi ma ē ‘ua iloa a‘u;

fa‘auta, o Filisitia ma Turo, ‘atoa ma Aitiope;

na fānau ai lenei tagata.”

5E fa‘apea ane fo‘i ‘iā Siona,

“O lea tagata ma lea tagata na fānau ai;”

o lē Silisili‘ese fo‘i o ia lea na te fa‘atumauina o ia.

6O le ALI‘I na te faitauina pe a tusia e ia le nu‘u, e fa‘apea ane,

“Na fānau ai lenei tagata.” Selā.

7O ē pepese ‘atoa ma ē sisiva;

“O ‘iā te oe o‘u punāvai uma.”