2 Nofoa‘iga a Tupu 4 - Revised Samoan Catholic Bible

O le Fatafaitaulaga ma le Vai ‘Apamemea ma Tā‘elega(1 Tu 7.23-51)

1‘Ua ia faia fo‘i le fatafaitaulaga ‘apamemea, e luafulu kupita lona umi, e luafulu kupita lona lautele, e sefulu fo‘i kupita lona maualuga.

7‘Ua ia faia fo‘i o tu‘ugālamepa auro e sefulu, e tusa ma o latou tu ma ‘ua tu‘u ai i le malumalu, e lima i le itū taumatau ma le lima le itū tauagavale.

9‘Ua ia faia fo‘i le lotoā o le ‘au ositaulaga ma le lotoā tele ma puipui o le lotoā ma ‘ua ufiufi puipui i le ‘apamemea.

17Na faia ia mea e le tupu i le ‘ele‘ele laugatasi o Ioritana, i le ‘ele‘ele ‘omea i le vā o Sukota ma Saretana.

18Na faia e Solomona o ia mea uma e matuā tele lava; auā na lē masino lava le fua o le mamafa o ‘apamemea.

19Na faia e Solomona o mea uma o le fale o le Atua, o le fatafaitaulaga auro ma laulau ‘ua fa‘ae‘e i ai le areto e laulauina i luma;1 No 4.8

20o tu‘ugālamepa ‘atoa ma o latou lamepa auro lelei, e mū ai e pei o le tu, i luma o le mea e fetalai mai ai;2 No 4.7

21o fuga ma lamepa ma i‘ofi, na faia e ia i auro, o auro e sili ‘ona lelei;

22o sele lamepa ma ipu ma ipu e asu a‘i ma salefu o auro lelei ia. O le faitoto‘a o le fale, o ona puipui aupito i totonu mo le mea e sili ‘ona pa‘ia, ‘atoa ma puipui o le fale o le malumalu, o auro ia.