1 Nofoa‘iga a Tupu 13 - Revised Samoan Catholic Bible

O le ‘Amiga o le ‘Atola‘au i Kiriata Iarima(2 Samu 6.1-11)

1‘Ua filifili Tavita ma ali‘i o ta‘ito‘aafe ma ta‘ito‘aselau ma ta‘ita‘i sili uma.

2‘Ua fai atu fo‘i Tavita i le fa‘apotopotoga uma o Isaraelu, “‘Āfai e tatau ‘iā te ‘outou na ma ‘ua finagalo i ai le ALI‘I lo tatou Atua, ‘ia tatou feausoloina atu o tatou uso o totoe i nu‘u uma o Isaraelu, o le ‘au ositaulaga ma sa Levī fa‘atasi ma i latou ‘iā latou ‘a‘ai ma tuāfanua, ‘ia fa‘apotopoto mai ‘iā te i tatou;

9‘Ua o‘o i latou i le mea e soli ai saito a Kitonu, ‘ona tago atu lea o Usa o lona lima e tāofi ai i le ‘atola‘au, auā ‘ua taupa‘ū povi.

10‘Ona tupu ai lea o le to‘asā o le ALI‘I ‘iā Usa, ‘ona fasia lea o ia, auā ‘ua tago atu lona lima i le ‘atola‘au. ‘Ua oti ai o ia i lea mea i luma o le Atua. ‘ua o‘o i nei ona po.

12‘Ua mata‘u Tavita i le Atua i lea aso, ‘ua fa‘apea ane, “Pe fa‘apefea ‘ona ‘ou ‘aumaia le ‘atola‘au a le Atua ‘iā te a‘u?”

13‘Ona lē ‘aumaia ai lea e Tavita o le ‘atola‘au ‘iā te ia i le ‘a‘ai o Tavita, a ‘ua avane i le fale o Opete-etoma, o le sa Katā ia.

14‘Ona tu‘u ai lea o le ‘atola‘au a le Atua i le ‘āiga o Opete-etoma i lona fale e tolu masina; ‘ona fa‘amanuia ai lea o le ALI‘I o le ‘āiga o Opete-etoma, ‘atoa ma mea uma sa ‘iā te ia.