Eperu 1 - Revised Samoan Catholic Bible

‘Ua Fetalai mai le Atua e Ala i lona Alo

1O le Atua, na fetalai mai anamua i o tatou tamā e ala mai i perofeta, na auaua‘i mai i faiga ‘ese‘ese.

2A ‘ua fetalai mai o ia ‘iā i tatou i nei ona aso e gata ai e ala mai i le Alo, o lē ‘ua tofia e ia e fai mea uma lava mōna tofi, na ia faia fo‘i mea uma e ala ‘iā te ia.O le Silisili ‘ese o Iesu i Agelu

4‘Ua fa‘apea ‘ona silisili ‘ese o ia i agelu, pei ‘ona sili o lona suafa ‘ua maua i o latou.

5Auā o anafea ‘ea na fetalai atu ai o ia i se tasi o le ‘au agelu,

“O lo‘u Atali‘i oe,

‘ua ‘ou fānaua oe i le aso nei.”

“E fai a‘u mōna Tamā,

e fai fo‘i o ia mo‘u Atali‘i?”

6‘Ua fa‘apea mai fo‘i o ia i lona toe ‘aumai o lana ulumatua i le lalolagi,

“Ma ‘ia ifo agelu uma lava a le Atua ‘iā te ia.”

7O agelu fo‘i ‘ua fetalai mai ai o ia,

“‘Ua faia e ia ana agelu o matagi,

ma ana ‘au‘auna o le afi mumū.”

8A ‘ua fa‘apea mai i le Alo,

“O lou nofoāli‘i, le Atua e, e fa‘avavau fa‘avavau lava lea.

O le to‘oto‘o o lou mālō, o le to‘oto‘o o le amiotonu lea.

9‘Ua e fiafia i le amiotonu, a ‘ua e ‘ino‘ino i le amio leaga.

O le mea lea, ‘ua fa‘au‘uina ai oe e le Atua,

o lou lava Atua i le suāu‘u o le ‘oli‘oli e sili,

i ē tou te fa‘atasi.”

10I le ma lea,

“Le Ali‘i e, na e fa‘avaeina le lalolagi i le amataga,

o lagi fo‘i o galuega ia a ou ‘a‘ao.

11E fa‘aumatia ia mea, a o oe ‘e te tumau pea;

e pala ia mea uma lava pei o se ‘ofu.

12Pei o se ‘ie pulupulu ‘e te ta‘ata‘aia,

e liua fo‘i ia,

a o oe, ‘e te lē liliu lava,

e leai fo‘i se i‘uga ou tausaga.”

13A o anafea na fetalai atu ai o ia i se tasi o le ‘au agelu,

“‘Inā nofo ia oe i lo‘u itū taumatau,

se‘ia ‘ou faia ē ‘ua fai oe mo latou fili

ma mea e tu ai ou vae?”

14E lē o agaga e ‘au‘auna ‘ea i latou uma, ‘ua ‘a‘auina e ‘au‘auna ‘ona o i latou o ē a maua le ola?

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help